Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Футбол бойынша Өзбекстан кубогы жарысларында Қарақалпақстан командасы жеңимпаз болды

Футбол бойынша Өзбекстан кубогы жарысларында Қарақалпақстан командасы жеңимпаз болды
Бүгин, 29-ноябрь күни пайтахтымыз Нөкис қаласындағы Қарақалпақстан Республикасы балалар ҳәм жас өспиримлер футбол шеберлик мектеби (академия) стадионында футбол бойынша «Профессионал футбол мектеплери лигасы» Өзбекстан кубогы жарысларының финал ойыны болып өтти. Бул ҳаққында Қарақалпақстан футбол ассоциациясы хабар берди.

Финалға шекем барлық қарсыласларын жеңип келген Қарақалпақстан Республикасы футбол шеберлик мектеби командасы финалда өз майданында Ферғана ўәлаяты футбол шеберлик мектебиниң командасын қабыллады.
Футбол бойынша Өзбекстан кубогы жарысларында Қарақалпақстан командасы жеңимпаз болды
Қызғын беллесиўлерге бай болған ойында жерлеслеримиздиң жоқары шеберлик ҳәм күшли таярлыққа ийе екенлиги айқын көринип турды. Солай етип, «Профессионал футбол мектеплери лигасы» Өзбекстан кубогы жарысларының финал ойынында қарақалпақстанлы жас футболшылар ферғаналы қарсыласларын 4:1 есабында жеңип шығып, Өзбекстан кубогы жеңимпазы болды.
Футбол бойынша Өзбекстан кубогы жарысларында Қарақалпақстан командасы жеңимпаз болды

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

29-11-2021, 17:12
Көрилди: 267
Пикирлер: 0
Баспа ушын