Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақ мәмлекетлик академиялық музыкалы театрының 90 жыллық юбилейи болып өтти



Бүгин, 15-декабрь күни Бердақ атындағы Қарақалпақ мәмлекетлик академиялық музыкалы театрында театрдың 90 жыллық юбилей кешеси өткерилди. Күнниң биринши ярымында юбилей қатнасыўшылары менен И.В.Савицкий атындағы Қарақалпақ мәмлекетлик көркем өнер музейине барды. Күнниң екинши ярымында болса, театрда юбилей кешеси болып өтти. Онда Өзбекистанға белгили көркем өнер ғайраткерлери, ўәлаятлардағы театрлардың директорлары, актёр ҳәм актрисалар қатнасты. Олардан Мирза Азизов, Убайдулла Омон, Фатхулла Маъсудов, Ёдгор Саъдиев, Хайрулла Саъдиев, Ёқуб Ахмедов ҳ.т.б.лар қатнасып, театр жәмәәтин юбилей менен қутлықлады. Әсиресе, Ёдгор Саъдиевтың «Мениң жигит ўақтым, сениң қыз ўақтың» қосығын, Фатхулла Маъсудовтың «Отмагай тонг» қосығын атқарыўы, сондай-ақ, театр репертуарындағы пъесалардан «Алпамыс», «Ғәрип ашык», «Қырық қыз», «Едиге» дәстанлары ҳәм «Ынжықтың муҳаббаты» пъесаларынан үзиндилердиң қойылыўы тамашагөйлерди қуўанышқа бөледи.
Қарақалпақстан Республикасынан Қарақалпақ мәмлекетлик қуўыршақ театры ҳәм жас тамашагөйлер театры актёр ҳәм актрисалары өзлериниң өнерлери менен қатнасты.



Сондай-ақ, бир қатар актёр, актрисалар ҳәм театрда ислеўши мийнет жәмәәтиниң хызметкерлери Қарақалпақстан Республикасы Мәденият Министрлиги тәрепинен ҳүрметли атақ, ҳүрмет жарлықлары менен сыйлықланды.

Сахибжамал Есемуратова

16-12-2017, 03:28
Көрилди: 525
Пикирлер: 0
Баспа ушын