Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Uzbekistan Airways» Қазақстанның Ақтаў қаласына авиарейслерди бийкар етти

«Uzbekistan Airways» Қазақстанның Ақтаў қаласына авиарейслерди бийкар етти
Қазақстанның Ақтаў халықаралық аэропорты халықаралық рейслерди қабыллаўды ҳәм әмелге асырыўды жаўғаны себепли 2022-жыл 5-январь күни әмелге асырылыўы жобаластырылған HY-9725/9726 Үргениш-Ақтаў-Үргениш жөнелиси бойынша турақлы рейслер бийкар етилди.

«Бул жөнелис бойынша рейслерди әмелге асырыў күнлери ҳаққындағы қосымша мағлыўмат кейинирек мәлим етиледи.

Жолаўшылар 5-январь күнине Ақтаўға бийкар етилген рейслер авиабилетлериниң толық баҳасын билет сатып алынған жерден қайтарып алыўы ямаса басқа сәнеге бийпул қайта бронлаў ҳуқықына ийе есапланады. Дурыс түсиниўиңизге үмит етемиз», - деп жазылған «Uzbekistan Airways» хабарында.

Еслетип өтемиз, Қазақстанда суйытылған газ баҳасының көтерилиўи ақыбетинде наразылық митинглери болып өтти. Қазақстан ҳүкимети де отставкаға шығарылды.

Сайтымыздың телеграмдағы каналына ағза болың: https://t.me/karinformuz

5-01-2022, 12:16
Көрилди: 131
Пикирлер: 0
Баспа ушын