Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Китап жаңалығы: «Қабуснама» қарақалпақ тилинде қайта баспадан шықты

Китап жаңалығы: «Қабуснама» қарақалпақ тилинде қайта баспадан шықты

Өзиниң дидактикалық қунлылығы менен пүткил дүньяға белгили Кәйқаўыстың «Қабуснама» шығармасы қарақалпақ тилинде қайтадан баспа жүзин көрди.

Бул шығарма ең дәслеп филология илимлериниң кандидаты, доцент Қ.Исмайылов тәрепинен қарақалпақ тилине аўдарылып, 1987-1991-жылларда еки мәрте баспадан шыққан еди. Сол аўдарма тийкарында 2018-жылы «Әмиўдәрья» журналының бирқатар санларында да жәрияланды.

Өзбекстан ҳәм Қарақалпақстан Жазыўшылар аўқамының ағзасы Аллаяр Дәрменовтың аўдармасындағы «Қабуснама»да пикирлер алдынғы аўдармаға салыстырғанда толығырақ, кеңирек берилген. Себеби, ески дүзим дәўириндеги айырым айтылыўы қадаған етилген пикирлер дәслепки аўдармаға кирмей, ҳәтте бирнеше баплар да толығы менен түсирилип қалдырылған еди.

«Қабуснама» жәми 1000 нусқада Ташкент қаласындағы «Ёш авлод матбаа» баспасынан басылып шықты. Оны шығарыўда Қарақалпақстан Республикасы прокуратурасы тиккелей қәўендерлик етти.

Арадан он әсир өтсе де елеге дейин дүньяның ең баҳалы шығармалары қатарында сүйип оқылатуғын, жәми 44 баптан ибарат «Қабуснама» қарақалпақ китап оқыўшыларын тағы да қуўантатуғыны сөзсиз.

Сайтымыздың телеграмдағы каналына ағза болың: https://t.me/karinformuz

5-01-2022, 13:21
Көрилди: 202
Пикирлер: 0
Баспа ушын