Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қазақстан аймағындағы Өзбекстан пуқараларына ўақытша енгизилген шеклеўлерге әмел етиў соралды

Қазақстан аймағындағы Өзбекстан пуқараларына ўақытша енгизилген шеклеўлерге әмел етиў соралды
Өзбекстан Сыртқы ислер министрлиги мәлимлеме хызмети Қазақстан аймағындағы Өзбекстан пуқаралары ушын рәсмий билдириў жәриялады.

Өзбекстан Республикасының Қазақстандағы Елшиханасы ҳәм Бас консулханалары усы мәмлекет аймағындағы Өзбекстан пуқаралары, соның ишинде, студентлер менен турақлы байланыста екенлигин мәлим етти.

«Өзбекстанның Қазақстандағы дипломатиялық ўәкилханалары әдеттеги тәртипте жумыс алып бармақта. Зәрүр жағдайларда Өзбекстан пуқараларына ҳуқықый жәрдем көрсетилмекте.

Соның менен бирге, Қазақстанның айрым аймақларында айрықша жағдай жәрияланғаны себепли усы мәмлекетте болып турған Өзбекстан пуқараларынан ўақытша енгизилген шеклеўлерге әмел етиўин сораймыз», - деп жазылған хабарда.

Сондай-ақ, зәрүрлик болғанда, ўатанласларымыз қәлеген ўақытта Өзбекстан Республикасының Нур-Султан (телефон: +7 771 020 36 73), Алматы (телефон: +7 777 950 44 33) ҳәм Ақтаў (телефон: +7 777 599 00 51) қалаларындағы дипломатиялық ўәкилханаларына мүрәжат етиўи мүмкинлиги қосымша етилген.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

6-01-2022, 13:43
Көрилди: 1101
Пикирлер: 0
Баспа ушын