Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қазақстан Республикасы ҳүкимети басшысы тайынланды. Тоқаев КҚШШ контингенти мәмлекеттен қашан шығарылыўын мәлим етти

Қазақстан Республикасы ҳүкимети басшысы тайынланды. Тоқаев КҚШШ контингенти мәмлекеттен қашан шығарылыўын мәлим етти
Бүгин, 11-январь күни болып өтип атырған Қазақстан Республикасы Парламенти Мәжилисиниң жыйналысында президент Қасым-Жомарт Тоқаев ҳүкимет басшысы лаўазымына Әлихан Смайылов кандидатурасын усынды. Бул ҳаққында «Қазақпарат» агентлиги хабар берди.

Солай етип, Қазақстан Республикасы бас министри лаўазамына Әлихан Смайылов тайынланды.

Еслетип өтемиз, президент Қасым-Жомарт Тоқаев тәрепинен 5-январь күни тастыйықланған Қазақстан ҳүкиметиниң отставкасы ҳаққындағы қарарға муўапық бас министрдиң биринши орынбасары Әлихан Смайылов бас министр ўазыйпасын атқарыўшы етип тайынланған еди.

Сондай-ақ, жыйналыста Қазақстан президенти Коллектив қәўипсизлик шәртнамасы шөлкеминиң мәмлекеттеги миссиясы нәтийжели жуўмақланғанлығы, контингентти шығарыў еки күннен кейин басланатуғынлығы ҳәм бул процесс 10 күннен аспайтуғынлығын мәлим етти.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

11-01-2022, 10:50
Көрилди: 164
Пикирлер: 0
Баспа ушын