Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бала тәрбиясы менен бәнт болған ҳаялларға мийнет стажы қосылады

Бала тәрбиясы менен бәнт болған ҳаялларға мийнет стажы қосылады
Олий Мажлис Нызамшылық палатасының улыўмалық мәжилисинде «Пуқаралардың мәмлекетлик пенсия тәмийнаты ҳаққында»ғы және Мийнет кодексине өзгерис ҳәм қосымшалар киргизиў ҳаққында»ғы нызам жойбары депутатлар тәрепинен қабыл етилди.

Нызам жойбарына муўапық, әмелдеги нызамшылыққа төмендеги өзгерис ҳәм қосымшалар киргизилиўи нәзерде тутылған:

- балалықтан майыплығы болған балаларға 18 жасқа шекем қараған дәўирин мийнет стажына қосып есаплаў;
- баланы тәрбиялаў ўақтының ҳәммесин жәмлегенде көби менен 6 жыллық дәўирди мийнет стажына қосып есаплаў;
- бағыўшысын жоғалтқаны ушын берилетуғын пенсия төлемлерин марҳумның қараўындағы перзентлерине олар 18 жасқа (егер улыўма орта билим бериў мәкемеси, академиялық лицей ҳәм жоқары оқыў орнында оқып атырған болса, 23 жасқа) толғанға шекем төлеў;
- республика аймағында карантинли ҳәм инсан ушын қәўипли болған басқа жуқпалы кеселликлер тарқалыўы қәўпи болғанда пенсия алыў ҳуқықы жүзеге келген пуқаралар усы илажлар (шеклеўлер) дәўиринде ямаса жуўмақланғаннан соң бир ай ишинде пенсия тайынлаўды сорап мүрәжат еткен жағдайда оларға пенсияны оны алыў ҳуқықы пайда болған сәнеден тайынлаў.

Сондай-ақ, нызам жойбарына Чернобыль АЭСтеги авария ақыбетинде майыпланыў ямаса кеселлик ақыбетинде III топар майыплығы болған адамларға майыплық пенсиясын тайынлаў тәртиби де киргизилген.

Нызамшылық палатасы тәрепинен қабыл етилген усы нызам жойбары он күн ишинде Сенатта көрип шығыў ушын жибериледи. Нызам Сенат тәрепинен де мақулланса, тастыйықланыў ҳәм жәрияланыўы ушын Президентке жибериледи.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

11-01-2022, 15:57
Көрилди: 300
Пикирлер: 0
Баспа ушын