Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда еки жыл даўамында қырғаўылларды аўлаў қадаған етилди

Қарақалпақстанда еки жыл даўамында қырғаўылларды аўлаў қадаған етилди
Қарақалпақстан Республикасы аймағында 2022-2023-жылларда қырғаўылларды аўлаў қадаған етилди. Бул ҳаққында ҚР Министрлер Кеңесиниң «Қарақалпақстан Республикасы аймағында қырғаўылларды қорғаў ҳәм бас санын көбейтиў илажлары ҳаққында»ғы қарарында атап көрсетилген.

Соның менен бирге, қарарға муўапық тийисли жуўапкерлерге:

- қырғаўылларды нызамсыз түрде аўлаўға жол қоймаў жумысларын күшейтиў;

- қырғаўылларды нызамсыз түрде аўлаўға жол қойған шахсларға әмелдеги нызамлар тийкарында ҳәм белгиленген тәртипте тийисли илажлар көриў;

- қырғаўылларды нызамсыз түрде аўлап, базарларда сатылыўын қадаған етиў бойынша анық ис-илажлар ислеп шығыў;

- қырғаўылларды қорғаў бойынша ведомостволық қадағалаў ҳәм олардың жасаў шараятын жақсылаў жумысларын алып барыў;

- қырғаўыллардың бас санын анықлаў мақсетинде тийисли уйымлар менен биргеликте жыллық есабын жүргизиў ҳәм биологиялық илим-изертлеў жумысларын шөлкемлестириў;

- қырғаўыллардың бас саны бойынша ҳәр шерек жуўмағы менен Министрлер Кеңесине мағлыўмат берип барыў сыяқлы ўазыйпалар жүклетилди.

Сайтымыздың телеграмдағы каналына ағза болың: https://t.me/karinformuz

13-01-2022, 16:53
Көрилди: 122
Пикирлер: 0
Баспа ушын