Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ПОРТАЛ керек пе ямаса ЖУРНАЛИСТ? Журналистиканың төртинши ҳәкимият сыпатындағы орны қайда қалды? (дебдиў)

ПОРТАЛ керек пе ямаса ЖУРНАЛИСТ?  Журналистиканың төртинши ҳәкимият сыпатындағы орны қайда қалды? (дебдиў)

Жақында сын мақала жазып, басшылардың алдына киргенимде «Бундай мақала жазып не қыласаң? Оның орнына сол мәкемениң виртуал қабыллаўханасына жаз!» деген гәпти еситип қайттым.
Журналист өзиниң ҳәм өзгелердиң мәпин қорғай алмай порталға хат жазып жүрсе я? Бул қалай болғаны? Онда журналистиканың төртинши ҳәкимият сыпатындағы орны қайда қалды? Журналистлер тек ғана мақтаў, жәмийеттеги жетискенликлерди сәўлелендириў менен шекленип, халықтың қулағын усы сыяқлы хабарлар менен үйретип тасламадымекен, деген ой келди қыялыма. «Бүгин дәртиңди редакцияға жаз, олар халықтың машқаласын шешип береди ямаса шешиў жолын көрсетеди» деген исеним жоққа шықтыма сонда. Бул исенимди журналистика қашан жоғалтты? Буған ким айыпкер? Бунда тийкарғы ҳәм жалғыз айыпкер, биз – журналистлер емеспекенбиз? Себеби, бүгин журналистиканың тийкарғы темасы – жетискенликлер ҳәм нәтийжелер болып қалғандай. Бирақ, биреўдиң дәртин еситип, халықтың арасына кирип, олардың кишкене болса да машқаласын шешип бере алатуғынымызды көрсететуғын, дәлиллейтуғын ўақыт келгендей…
Усы сораўлар мени қыйнап, жәмийетте журналистиканың абыройының түсип кеткенлигин, ал оның орнын әллеқашан портал ҳәм виртуал қабыллаўханалар ийелегенлигин сездим. Дәслеп Президенттиң виртуал қабыллаўханасы ашылып, онда халықтың мәселелери кең түрде додаланды, машқалалары шешип берилди. Бул әлбетте, унамлы жағдай. Себеби, мәмлекеттиң де, журналистлердиң де мақсети бир – халыққа хызмет етиў, олардың машқаласын шешиў.
Бирақ, халықтын мәпин қорғаў, олардың машқаласын шешиў бүгинги күнге шекем журналистиканың ўазыйпасы болып келген. Ал, бүгинге келип журналистика бул ўазыйпасын «есинен шығарған»лықтан, оның орнына виртуал қабыллаўханалар, порталлар әмелге асырмақта.
Бул кәсипти таңлар алдында халықтың машқаласын ғалаба хабар қураллары арқалы шешип берип, оларға жәрдем бериўди ойлар едим. Бул ықлас, кәсибиме болған муҳаббатым еле де күшли. Бирақ…
Усы жерде «журналистлер ояның, көзиңизди қаттырақ ашың, халыққа өз ўақтында хызмет етейик» деп даўысымның барынша бақырғым келип тур!

Сахибжамал Есемуратова

30-01-2018, 13:28
Көрилди: 456
Пикирлер: 1
Баспа ушын

Пикир(1)
Абдимажит 30 января 2018 21:45
хеч гап болмас. мен озим ЖУРНАЛИСТ ХАЛКЫН жуда катты хурмет етемен.
[reply]Ответить[/reply]          1
Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: