Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қыялдың күши (аўдарма)

Қыялдың күши (аўдарма)

Браўн узақ саяхаттан соң, кеште мийманханаға барады. Ол мийманхана хызметкеринен «Бул жерде бос бөлме барма?», - деп сорайды. Сол ўақытта және бир саяхатшы мийманханаға келип, ол да бос бөлме сорайды. Мийманхана хызметкери тек еки адамлық бир бөлмениң бар екенлигин айтады. «Егер екеўиңиз бир бөлмеде түнеп қалыўға разы болсаңыз, оның гилтин сизлерге беремен. Және де сизлерге арзанырақ болады. Себеби, екеўиңиз оның пулын бөлисип төлейсиз», - дейди хызметкер.
Еки саяхатшы да бул пикирге разы болмайды. Бирақ, сол гезде бирден нөсерлеп жаўын жаўып кетеди, олар басқа мийманханаға барыў ушын жүдә шаршаған еди. Соң олар сол мийманханада түнеп қалыўға разы болады. Олардың затлары ишке алып кириледи ҳәм екеўи жаўын менен жолдас болған ҳалда уйқыға кетеди. Түн ортасында Мырза Браўн қатты даўыстан оянып кетеди.
- Кеширерсиз, мен сизди оятып жибердим. Мен астма кеселине шалынғанман. Өзимди жаман сезип атырман. Оған қосымша басым да аўырып атыр. Егер мениң өлиўимди қәлемесеңиз тезирек айнаны(терезени) ашың», - дейди Мырза Браўнның жолдасы.
Мырза Браўн кроватынан секирип түсип, жолдасын излей баслады. Бирақ, бөлме қараңғылығы себепли жолдасын табыў қыйын болды. Лекин, наўқас жолдасының ыңырсып «Ҳаўа, ҳаўа… маған таза ҳаўа керек. Мениң аҳўалым жаман», деген сөзлеринен жолдасын таўып алады. Соң Мырза Браўн айнаны ашыўға ҳәрекет етеди. Бирақ, айна ҳә дегенде ашыла бермейди. Аўырған жолдасының ыңырсыған даўысы қаттырақ шыға бергенинен қәўетерленген Мырза Браўн тез де отырғышты алып айнаны сындырады. Наўқас жолдасы ыңыраныўын тоқтатып, оннан миннетдар болады ҳәм өзин жақсы сезип атырғанын айтады. Солай етип екеўиде тыныш уйқыға кетеди.
Азанда турғанда айнаның (терезе) жабық ҳәм пүтин екенлигин, лекин, айнаның (адам қарайтуғын айна) сынғанлығын көрип ҳайран болады.
Әне, қыялдың күши. Адамзат өзин ҳәр қандай нәрсеге исендирсе, оған ҳәмме нәрсениң шешими аңсат ғана болып көринеди.
Инглис тилинен аўдармалаған

Сахибжамал Есемуратова

13-02-2018, 15:13
Көрилди: 198
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: