Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Ең әўметсиз пенальти тебиўши футболшы, Пелениң пенальтиден урған 1000-голы – пенальти ҳаққындағы қызықлы мағлыўматлар



Massaget басылымы пенальти ҳаққында қызықлы мағлыўматларды жәриялады. Оны дыққатыңызға усынамыз.
Он бир метрлик жәрийма тобы – «футбол лотореясы» деп аталып, оны орынлаў үлкен жуўапкершилик талап етеди. Себеби, пенальтиден гол урылса ямаса керисинше болса, бул ойынның нәтийжесине де тәсир етиўи мүмкин.



Тарийхта ең дәслепки он бир метрлик жәрийма тобын тебиўди ирландиялы дәрўазаман Уильям Маккрам усыныс еткен. Ең дәслепки пенальти 1891-жылы Англияда «Вулверхэмптон» ҳәм «Аккрингтон» командалары арасындағы ойында әмелге асырылған.
Игорь Пономарев бурынғы Аўқам тарийхындағы ең жақсы пенальти тебиўши болған. «Нефтчи» командасының ойыншысы мәмлекет чемпионатында ҳәр ойында он бир метрлик жәрийма тобын теўип, қатарасына 26 ойында пенальтиден гол урған.
Аргентиналы Мартин Палермо футбол тарийхындағы ең әўметсиз пенальти тебиўши сыпатында белгили. Ол 1999-жылы Колумбия сайланды командасына қарсы ойында үш пенальти теўип, биреўин де голға айландыра алмаған.



1969-жылдың 19-ноябрь сәнесинде дүньяға белгили футболшы Пеле өз карьерасында бир мыңыншы голын урды. Бразилиялы футболшы тарийхый голын «Васко да Гама» клубына пенальтиден урған.
Бразилияның «Сан-Паулу» клубының дәрўазаманы Сени Рожерио 100 гол урып, рекорд орнатқан. Ол өз дәрўазасын жақсы қорғаў менен бирге, ҳәр қыйлы жәрийма топларын теўип 56 гол, ал пенальтиден болса 46 гол урыўға ерискен.
1968-жылы Европа кубогының ярым финалында бурынғы Аўқам ҳәм Италия арасындағы есап 0:0 болып қалады. Сол ўақыттағы қағыйда бойынша финалға шығатуғын команда тыйын таслаў арқалы анықланады. Нәтийжеде Италия сайланды командасы финалға шығады. Усы ўақыядан соң футбол төрешиси Карл Вальд ким күшли екенлигин пенальти тебиў арқалы анықлаўды усынды. Бул идея ўақыт өтип әмелге асырылып, бүгинге шекем қолланып келинбекте.

Ислам Матеков.

14-02-2018, 18:09
Көрилди: 252
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: