Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ЖООда мектепке шекемги билимлендириў бағдарында 3 жыллық бакалаврларды таярлаў системасы енгизиледи

ЖООда мектепке шекемги билимлендириў бағдарында 3 жыллық бакалаврларды таярлаў системасы енгизиледи

2018-2019-оқыў жылынан баслап Жоқары билимлендириў мәкемелеринде мектепке шекемги билимлендириў бағдарындағы күндизги формадағы 3 жыллық бакалаврларды таярлаў системасы енгизиледи.
Сондай-ақ, жаңа оқыў жылынан баслап Жоқары билимлендириў мәкемелеринде сыртқы ҳәм кешки түрдеги бакалаврлар таярлаў системасы жолға қойылады. Онда алдынғы шет ел мәмлекетлериниң, тийкарынан Қубла Корея тәжирийбеси тийкарында бағдарламалар ислеп шығылады.
Усы жылдың март айынан баслап ўәлаятлардағы университетлер ҳәм педагогикалық институтлар базасында бақшалардың педагог ҳәм қәниге емес кадрлары ушын ярым жыллық оқыў бағдарламасы тийкарында қайта таярлаў курслары шөлкемлестириледи.
Бул ҳаққында усы жылдың 14-февраль күнги мектепке шекемги билимлендириў системасын реформалаў бойынша өткерилген мәжилисте Ш.М.Мирзиёев айтып өткен.
Соның менен бирге, Президентимиз Қубла Кореяның Пучон университети менен биргеликте Ташкент қаласында мектепке шекемги билимлендириў университетин шөлкемлестириў зәрүрлигин атап өткен.

15-02-2018, 17:45
Көрилди: 447
Пикирлер: 0
Баспа ушын