Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Рекордларға бай Чемпионлар лигасы: «Реал» «ПСЖ»ны жеңди. Рональду рекорд орнатты



14-февральдан 15-февральға өтер түнде УЕФА Чемпионлар лигасының 1/8 финал ойынларында «Ливерпуль» «Порту» командасының мийманы болған болса, параллел ойында «ПСЖ» Мадридке сапар етип, «Реал» мийманы болды.



Мадридтиң «Реал» клубы «Сантьяго Бернабеу» стадионында «ПСЖ»ны қабыл етип, 3:1 есабында жеңиске еристи. Дыққатқа ылайықлы тәрепи, Европа гранд клублары арасындағы беллесиўде «Реал» футболшысы Криштиану Рональду Чемпионлар лигасындағы бир клуб қурамында 100 гол урған футболшы сыпатында жеке рекордын орнатты.
Биринши болып «ПСЖ» есапты ашқаны менен, Зинедин Зиданның шәкиртлери өз қүдиретин көрсете алды. 33-минутта Адриен Рабьо Неймардың қалдырған пасынан соң парижлилерди есапта алдыға алып шықты. Бирақ, биринши таймның ақырында Рональду пенальтиден гол урып, есапты теңлестирди.
Ойын жуўмақланыўына 10 минут ўақыт қалғанда Исконың орнына Марко Асенсио ойынға қосылды. Зиданның бул шешими әўметли болды. Асенсио «Реал»ға жеңис алып келген голлардың урылыўында өз пайдасын тийгизди. 83-минутта Рональду Ареоладан қайтқан топты дизеси менен дәрўазаға жоллап, майдан ийелерин алдыға алып шыққан болса, арадан 3 минут өтип, Марсело мадридлилердиң үшинши голын дәрўазаға жоллады. Бул клублар арасындағы екинши жуўап ойыны 7-март күни болып өтеди.



Сондай-ақ, усы күни «Ливерпуль» «Порту» клубына қарсы ойынға түсип, қарсыласлары дәрўазасына жуўапсыз 5 гол жоллады – 0:5. «Драгау» стадионында өткен беллесиўде «Ливерпуль» ҳүжимшиси Садио Мане хэт-трикке ерискен болса, Муҳаммед Салах ҳәм Фирмино бир-бир голға авторлық етти. Бул командалар арасындағы жуўап ойыны 7-март күни өткериледи.

Ислам Матеков.

15-02-2018, 18:58
Көрилди: 237
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: