Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бухара-Мискин темир жолы арқалы Ташкентте барыў 2 саатқа қысқарады



Усы жылдың 20-март күнинен баслап Ташкент-Үргениш ҳәм Ташкент-Нөкис-Қоңырат жөнелисиндеги жолаўшы поездлер жаңадан қурылған Бухара-Мискин темир жол линиясы арқалы ҳәрекетлениўди баслады.
Ҳәзирги күнге шекем Ташкент-Үргениш поезди 1027 км, Ташкент-Нөкис-Қоңырат поезди 1327 километрлик жолды басып өтип, «Наўайы-Үшқудық-Мискин» магистралы арқалы ҳәрекетленген болса, усы жойбардың қурып питкерилиўи менен поездлердиң қатнаўы дерлик 100 километрге қысқарды. Бул болса жолға кететуғын ўақытты, жанар майды ҳәм басқа қәрежетлерди тежеўге тийкар жаратады.
Ең баслысы, Ташкент қаласынан Үргениш, Хийўа, Нөкис қалаларына баратуғын ҳәм усы жөнелислерден Ташкент қаласына баратуғын жолаўшы поездларының ҳәрекетлениў ўақты дерлик 2 саатқа қысқарады.
Ташкент-Саратов, Ташкент-Волгоград, Алматы-Нөкис, Әндижан-Үргениш, Нөкис-Үргениш-Термиз поездларының да усы жаңа линия арқалы қатнаўы жолға қойылады. Бул болса елимизде туризмди раўажландырыў, туристлер ағымының еле де артыўына тийкар болады.
Бул темир жолдың екинши басқышында электрлестириў жумыслары әмелге асырылып, усы жөнелис арқалы электропоездлар ҳәм жоқары тезликте ҳәрекетленетуғын «Афросиёб» заманагөй поездлар қатнаўы да әмелге асырылыўы көзде тутылған.

Ислам Матеков.

21-03-2018, 11:59
Көрилди: 143
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: