Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Магистратураға қабыллаўда қандай өзгерислер бар?



Xushnudbek.uz сайты быйылғы жылы магистратура имтиханларына ҳәм қабыллаў процессине киргизилген өзгерислер ҳаққында жазды, деп хабар бермекте Корреспондент Ўзбекистон.
Хабарда жазылыўынша, 20-июнь күни Министрлер Кабинетиниң 393-санлы қарары тийкарында «Жоқары билимлендириў мәкемелериниң магистратурасына оқыўға қабыллаў тәртиби ҳаққында»ғы жаңа устав тастыйықланған еди. Уставқа муўапық, қабыллаў процесслерине айрым өзгерислер киргизилди.
Ҳүжжетке муўапық, магистратураға төмендеги пәнлерден жазба (ямаса дөретиўшилик) кириў сынақлары (арнаўлы тест сынақлары) болып өтеди:
- Магистратура қәнигелигине сәйкес келетуғын билимлендириў бағдарының арнаўлы пәнлери (екеўге шекем);
- Информатика ҳәм информациялық технологиялар;
- Өзбекистанда демократиялық жәмийет қурыў теориясы ҳәм әмелияты;
- Шет тили (шет тиллери филологиясы, шет тили ҳәм әдебияты бағдарлары базасындағы қәнигеликлер ушын екинши шет тили).
Жаңадан киргизилген информатика пәнинен сынақ 50 баллық системада баҳаланады. Нәтийжеде уулыўмалық баллар муғдарында да өзгерислер болды. Магистратураға оқыўға кириўде ең көп (максимал) топланыўы мүмкин болған балл ендиги жағында 400 ди қурайды. Алдын 350 балл еди.
Және бир өзгерис – шет тили пәнинен кириў сынағында қатнаспай максимал бал берилетуғын жеңилликли сертификатлардың қатарына CEFR бойынша кемминде V2 дәреже ямаса Мәмлекетлик тест орайы тәрепинен берилетуғын Шет тилин билиў дәрежеси ҳаққындағы V2 яки S1 дәрежесиндеги сертификат усынған талабанларға да шет тилинен 50 балл қойылады ҳәм олар усы пәннен өткерилетуғын кириў сынақларында қатнаспайды.
Алдын тек ғана TOEFL бойынша кеминде 58 ямаса IELTS бойынша кеминде 5 балл алғанлығы ҳаққындағы сертификаты болған талабанларға 50 балл берилетуғын еди.

Ислам МАТЕКОВ.

4-07-2017, 14:34
Көрилди: 491
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: