Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Журналистлер ушын баспасөз конференциясы өткерилди

Журналистлер ушын баспасөз конференциясы өткерилди

2018-жылдың 10-апрель сәнесинде Қарақалпақстан Республикасы Министрлер Кеңесиниң киши мәжилислер залында «Мәмлекетлик бағдарламалардың әмелге асырылыўында жәмийетлик қадағалаўды орнатыў: журналист жуўапкершилиги ҳәм ҳуқықлары» темасына бағышланған баспасөз конференциясы өткерилди.
Баспасөз конференциясы Қарақалпақстан Республикасы Министрлер Кеңеси Мәлимлеме хызмети тәрепинен шөлкемлестирилип, онда республикалық ҒХҚ хызметкерлери қатнасты.

Журналистлер ушын баспасөз конференциясы өткерилди

«Қарақалпақстан жаслары» газетасының редакторы С.Жаниев «Мәмлекетлик бағдарламалардың әмелге асырылыўында газета-журналлардың тутқан роли ҳәм олардың жуўапкершилиги ҳаққында», Өзбекстан Журналистлери дөретиўшилик аўқамы Қарақалпақстан бөлими баслығының орынбасары А.Ембергенов «Жедел исбилерменликти, инновациялық идеяларды ҳәм технологияларды қоллап-қуўатлаў жылы» Мәмлекетлик бағдарламасы бойынша жәмийетлик қадағалаўды орнатыўда ғалаба хабар қуралларының тутқан орны ҳаққында», Қарақалпақстан хабар агентлигиниң директоры Е.Қанаатов «Мәмлекетлик бағдарламаларды жедел әмелге асырыўда Интернет журналистиканың әҳмийети, тараўдың ҳәзирги көрсеткишлери ҳаққында», Қарақалпақстан Телерадиокомпаниясы директорының орынбасары Н.Жақсымуратова «Мәмлекетлик бағдарламалардың әмелге асырылыўында телевидениениң тутқан роли» атамасында баянат жасады. Конференция еркин пикирлесиў ҳәм сораў-жуўаплар менен даўам етти.

Журналистлер ушын баспасөз конференциясы өткерилди

Күнниң екинши ярымында пайтахтымыздағы «Муратбек мебель» кәрханасына медиа-тур шөлкемлестирилип, журналистлер кәрхананың турмысы менен танысты.

Сахибжамал Есемуратова

11-04-2018, 08:53
Көрилди: 1041
Пикирлер: 0
Баспа ушын