Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Магистратурада Германияда оқыў нийетиндемен»: Германияда оқыў ушын грант жеңимпазы Айдын Сәрсенбаева менен сәўбет

«Магистратурада Германияда оқыў нийетиндемен»: Германияда оқыў ушын грант жеңимпазы Айдын Сәрсенбаева менен сәўбет

Бердақ атындағы Қарақалпақ мәмлекетлик университетиниң шет тиллери факультети немис тили бағдарының 2 студенти Германияның DAAD оқыў бағдарламасының гранты жеңимпазы болғанлығы ҳаққында алдын бара берген едик. Олардың бири – 3-курс студенти Айдын Сәрсенбаева менен сәўбетлестик.

Немис тили имканиятлар есигин ашып берди
- Кишкене ўақытларымнан баслап немис тилине қызығаман ҳәм бул тилди үйрениў мен ушын үлкен имканиятлар есигин ашып берди. Университетимиздиң тәжирийбели профессор-оқытыўшылары менен булл тилдиң сырларын терең үйренип бардым. Сондай-ақ, Самарқанд, Ташкент ҳәм Ферғана қалаларында өткерилген семинарларға қатнасып, көнликпелеримди арттырдым.

Әўметли жыл
- Соны айрықша атап өтиў керек, 2018-жыл мен ушын әўметли басланды. Себеби, Германияның халық аралық академиялық бирге ислесиў бағдарламасы – DAADтың жоқары оқыў орынларының студентлери ушын арналған жазғы тил үйрениў курслары ушын гранты қолға киргиздим. Бул мен ушын үлкен жетискенлик болды.

Августта Кёльнге
- Усы жылдың август айында Германия Федеративлик Республикасының Кёльн қаласындағы университетте немис тили бойынша оқыў курсларында оқыўды режелестирип отырман. Бул курстың тийкарғы мақсети, жасларды еле де немис тилине қызықтырыў, олардың билимин жетилистириў, магистратура басқышына таярлаў, соның менен бирге, Германия мәденияты, тарийхы менен таныстырыўдан ибарат.

Келешектеги режелер
- Мен сыяқлы тил үйрениўге қызығатуғын жасларды қоллап-куўатлаўда еки мәмлекет арасындағы ҳәр бир тараўдағы бирге ислесиўлердиң жоқары дәрежеде екенлиги тийкар болмақта. Бул оқыў сапары даўамында мен немис тили бойынша билим ҳәм көнликпелеримди арттырып, беккемлеп, келешекте усы бағдарлама бойынша Германияда магистратура басқышында оқыўды нийет еткенмен. Мақсетим, немис тилин терең меңгерип, елимиз жасларына да усы тилди үйретиў арқалы дүнья есиклерин ашып бериўге көмеклесиў, - дейди грант жеңимпазы Айдын Сәрсенбаева.

Сайтымыздың телеграмдағы каналына ағза болың: https://t.me/karinformuz

Сәўбетлескен: Ислам Матеков.

13-04-2018, 13:10
Көрилди: 127
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: