Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қытықлаған ўақытта адамлар не ушын шоршынып кетеди?



Илимпазлар қытықлаған ўақытта адамның шоршыныўы ямаса қорқыўы тәбийғый қубылыс екенлигин, бул рефлекс ата-бабаларымыздан қан арқалы өтип киятырғанын айтады. Бул қәбилет адамларға жәнликлерден, насекомалардан қорғаныўға мүмкиншилик береди. Егер жәнликлер шағып алса, қыйын аўҳалға түсип қалыў да мүмкин. Базылары зәҳәрли болыўы да мүмкин. Ал қытық адамларға тез ҳәрекетленип, қорғаныўға имканият береди. Қытықлаған ўақытта көпшилик адамлар ҳәз етип күледи. Бундай ўақытта күлкиниң узақ ўақыт сақланып турыўы териниң сезимталлығы менен байланыслы болады. Мәселен, балалардың терилери ересек адамларға қарағанда 5 есе нәзик ҳәм жуқа болады. Сол себепли, олар оғада сезгир болады. Жаңа туўылған балаларды гейде қытықлап турыў керек екен. Өйткени, бул ҳәрекет арқалы күлки рефлекси қәлиплеседи. Усылайынша бала күлиўди үйренеди.
Қытықлаў организмде аўырлық пайда етеди, күлки усы аўырлықты жоқ етеди, деген гипотеза да бар. Сонлықтан, қытықлаған ўақытта адам ериксиз күледи ҳәм организминиң жумысын жеңиллетеди.

Сайтымыздың телеграмдағы каналына ағза болың: https://t.me/karinformuz

Ислам Матеков.

23-04-2018, 12:50
Көрилди: 416
Пикирлер: 0
Баспа ушын