Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда 19-май күни «Мафтун бўлдим» музыкалы комедиясының премьерасы болып өтеди



Алдын хабар етилгениндей, «O`zbekkino» Миллий агентлиги «Dono Productions» кинокомпаниясы менен биргнеликте буннан 60 жыл бурын дөретилген өзбек киносының ғәзийнелеринен бири – «Мафтунингман» музыкалы комедиясының бүгинги заманагөй вариантын – «Мафтун бўлдим» фильминиң сүўретке алыў жумысларын белгили режиссёр Абдувоҳид Ғаниевтың басшылығында сәтли жуўмақлады.
Ҳәзирги ўақытта Өзбекстан Республикасының барлық ўәлаятларында усы фильмниң премьерасы болып өтпекте. Хош, премьера Қарақалпақстан Республикасында қашан болып өтеди? Бул бағдардағы сораўымызға «O`zbekkino» Миллий агентлигиниң хызметкери, премьераны шөлкемлестириў топарының ағзасы Н.Аҳмедов төмендегише мағлыўмат бермекте, деп жазылған Министрлер Кеңесиниң мәлимлеме хызмети тарқатқан хабарда.
– Елимиз бойлап талантлыларды излеп табыў процесинде Өзбекстанның бийбаҳа миллий көркем өнерин, мәдениятын, үрп-әдетлерин, халық дөретиўшилигин ҳәм әжайып тәбиятын толығы менен сәўлелендириўге бағдарланған идеяны өзинде жәмлеген усы фильмниң премьерасы Қарақалпақстан Республикасында 19-май күни болып өтеди. Бәршеңизди премьераға мирәт етемиз.
Мағлыўмат ушын, бул жойбар Президентимиз Ш.М.Мирзиёев тәрепинен елимизде туризмди раўажландырыў мақсетлерине толық сәйкес түрде, атап айтқанда, гөззал ҳәм бийтәкирар Өзбекстанның жамалын дүньяға рәң-бәрең реңлерде көрсетиў, сырт елли мийманлардың Ўатынымыз ҳаққындағы көз-қарасларын жаңалаў, бул арқалы шет елли туристлерди елимизге тартыў мақсетинде әмелге асырылған.

Сайтымыздың телеграмдағы каналына ағза болың: https://t.me/karinformuz

1-05-2018, 13:32
Көрилди: 89
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: