Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Излеўдеги Қуўатбай (Коля) қалай қолға алынды?



Усы жыл февраль айынан баслап рецидивист сыпатында гүманланып излеўде болған Сабуров Қуўатбай Ташкент қаласы Яшнабад районы Янгиобод базарында қолға алынды. Бул ҳаққында Қарақалпақстан Республикасы ИИМ баспасөз хызмети хабар бермекте, деп жазады Қарақалпақстан хабар агентлиги.
Қарақалпақстан Республикасы ИИМ Өрт қәўипсизлиги басқармасы хызметкерлери Ташкент қаласына маманлығын арттырыў мақсетинде оқыўға барады. Оқыўдан бос ўақтында Нөкис қаласы өрт қәўипсизлиги бөлими баслығы Жубанышов Жәнибек, Тақыятас районлық өрт қәўипсизлиги бөлимшеси баслығы Қаниязов Ережепбай, Қоңырат районлық өрт қәўипсизлиги бөлими баслығының орынбасарлары Палўанов Шерали ҳәм Халмуратов Маҳмудлар телефон көриў мақсетинде Янгиобод базарына барады. Ол жерде Сабуров Қуўатбайды узақтан көрип қалады. Ең дәслеп Жубанышов Жәнибек оны дәрҳал шырамытады да, жанындағыларға қараңлар ана жердеги излеўдеги адам ғой, – дейди. Қырағы азаматлар гүманланыўшының жанына барып сораў бере баслайды. Дәслеп Қуўатбай аға, деп мүрәжат етип көреди. Ал, өзин танытпаўға ҳәрекет еткен гүманланыўшы өзбек тилинде сөйлеп, мен басқа адамман, - дейди. Азаматлар гүманланыўшының жалған сөзлер менен жаңылыстырыўға ҳәрекет етип атырғанын билип, дәрҳәл қолға алып, тийисли уйымға тапсырады.
Еслетип өтемиз, Сабуров Қуўатбай ғайрытәбийғый жынаят ислеўде гүманланып, излеўге берилген еди.

Сайтымыздың телеграмдағы каналына ағза болың: https://t.me/karinformuz

2-05-2018, 12:13
Көрилди: 331
Пикирлер: 0
Баспа ушын