Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Жоқары оқыў орынлары арасында өткерилген «Жаслар кубогы» турниринде ҚМУ биринши орынды ийеледи



Жоқары оқыў орынларының студент жаслары арасында спорттың футбол түри бойынша «Жаслар кубоги» турнириниң Қарақалпақстан Республикалық басқышы өткерилди. Онда тийкарынан Қарақалпақ мәмлекетлик университети, Нөкис мәмлекетлик педагогикалық институты, Ташкент мәмлекетлик аграр университети Нөкис филиалы, Ташкент информациялық технологиялары университети Нөкис филиалы, Ташкент педиатрия медицина институты Нөкис филиалы, Көркем өнер институты Нөкис филиалы командалары қатнасты. Турнир нәтийжесине муўапық, 3-орынды Ташкент мәмлекетлик аграр университети Нөкис филиалының студентлеринен, 2-орынды Нөкис мәмлекетлик педагогикалық институтының студентлеринен, 1-орынды Қарақалпақ мәмлекетлик университетиниң студентлеринен жыйналған команда қолға киргизди. Қатнасыўшылар диплом ҳәм саўғалар менен сыйлықланды.
«Жаслар кубоги» турнири Өзбекстан Республикасы Прездентиниң 2018-жыл 16-март сәнесиндеги «Футболды раўажландырыў ис-илажлары ҳаққында»ғы ПҚ-3610 санлы қарарында көрсетилген ўазыйпаларды орынлаў ҳәм студент жаслардың футболға деген қызығыўшылығын арттырыў, студент жасларды спорт жарысларына турақлы түрде қамтыў, олар арасында саламат турмыс тәризин қәлиплестириў ҳәм студент жаслар арасында қәбилетли футболшыларды анықлап, футболды еледе раўажландырыў мақсетинде өткерилди.


Хурзия Ермекбаева

7-05-2018, 10:08
Көрилди: 259
Пикирлер: 0
Баспа ушын