Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Германиялы корреспондентлер Вьетнамға автомобильде бармақшы. Олар жол-жөнекей Қарақалпақстанда болады



Германияның Кёльн қаласындағы «Genau. TV GmbH» кинокомпаниясының баслығы ҳәм режиссёры Иммо Мойлер ҳәм корреспондент М.Хенсен усы жылдың июль айында Германиядан Вьетнамға шекем автомашинада барыўды режелестирмекте.
Сапардан гөзленген баслы мақсет, немис регионаллық телевидениеси есапланған «WDR» телеканалында эфирге берилетуғын «Erlebnisreisen» («Ҳәрекеттеги дем алыс») бағдарламасы ушын «Дүньяның басқа тәрепиндеги еллерге саяхат» көрсетиўин таярлаўдан ибарат.
Режиссёр Иммо Мойлердиң айтыўына қарағанда, олар 4-14-август күнлери аралығында Қазақстан арқалы елимизге келеди ҳәм жол-жөнекей Арал теңизи, Қарақалпақстан, Хийўа, Бухара, Самарқанд, Ташкент, Қоқанд, Әндижанда болып, елимиз арқалы Қырғызстанға барыўы белгиленген.
Сапар даўамында олар елимиздиң дыққатқа ылайықлы орынлары, архитектуралық естеликлери, туристлик мәнзиллерде болыўы режелестирилмекте.
Мағлыўмат ушын, режиссёр Иммо Мойлер көрсетиўлер таярлап беретуғын «WDR» телеканалын Германия ҳәм Европаның басқа еллериндеги 25 миллионнан аслам адамлар тамашалайды.

Сайтымыздың телеграмдағы каналына ағза болың: https://t.me/karinformuz

Ислам Матеков.

10-05-2018, 12:36
Көрилди: 92
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: