Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ҚМУда шет ел пуқараларын оқыўға қабыллаў жуўмақланды



Өзбекистан Республикасы Министрлер Кеңесиниң 2017-жыл 2-июньдеги №347 санлы «Ташкент мәмлекетлик юридикалық университетинде кадрларды таярлаўдың системасын және де беккемлеў ис-илажлары ҳаққында»ғы Қарарының 2-бәнти ҳәм усы Қарардың 2-қосымшасына муўапық, Өзбекистан Республикасы Министрлер Кеңесиниң «Шет ел пуқараларын Өзбекистан Республикасы оқыў орынларына оқыўға қабыллаў ҳәм оқытыў тәртибин беккемлеў ҳаққында»ғы 2008-жыл 4-августтағы 169-санлы Қарарына өзгерислер киргизилди. Оған муўапық, Өзбекистан Республикасы Жоқары оқыў орынларына Ғәрезсиз Мәмлекетлердиң Дослық Аўқамына ағза мәмлекетлердиң пуқараларын қабыллаў сәўбет тийкарында әмелге асырылатуғын болды.
Қабыллаў ушын сәўбетлер август айының 2-10-сәнелери аралығында жоқары оқыў орнында билим беретуғын тилде өткериледи. Шет ел пуқаралары 55 баллдан жоқары балл топласа сәўбеттен өткен есапланады.



Бердақ атындағы Қарақалпақ мәмлекетлик университетиниң түрли факультетлерине Түркменстан Республикасының пуқаралары өзлери қәлеген қәнигеликлери бойынша ҳүжжетлерин тапсырды. Мәселен,
шет тили ҳәм әдебияты: инглис тили (5111400) - 4 абитуриент,
филология ҳәм тиллерди оқытыў: түркмен тили (5120118) - 21 абитуриент,
биология (5140600) - 1 абитуриент,
физикалық тәрбия (5112000) - 3 абитуриент,
филология ҳәм тиллерди оқытыў: инглис тили (5120112) - 3 абитуриент
ҳүжжет тапсырған.
Баҳалаў критериясына муўапық, абитуриенттиң дүньяқарасы 25 балл, кәсипке болған қызығыўшылығы, оның жәмийеттеги орны ҳәм әҳмийети ҳаққындағы түсиниклери 25 балл, өз пикирлерин анық, логикалық ҳәм дөретиўшилик пенен баян ете алыўы ҳәм улыўмалық интеллектуал дәрежеси 25 балл, әдеп-икрамлылық дәрежелери сыннан өткерилип, абитуриенттиң этикалық принциплерге ийе болыўы, сыртқы көриниси ҳәм мәденияты 25 балл менен, жәми 100 баллық системада баҳаланды.
Баҳалаў критериясы бойынша жоқары балл топлаған абитуриентлер студентлер қатарына қабыл етиледи.



Сахибжамал Есемуратова

4-08-2017, 18:38
Көрилди: 423
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: