Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Жаңа қарар жойбары: мәмлекетлик хызметкерлер дәраматлары ҳәм қәрежетлери ҳаққында есап бериўге мәжбүр болады



Ҳуқықый-нормативлик ҳүжжетлер додаланатуғын порталда «Мәмлекетлик хызмет ҳаққында»ғы нызам жойбары додаланбақта, нызам усы тараўдағы қатнасықларды тәртипке салыўы ҳәм мәмлекетлик хызмет механизмин жетилистириўи керек, деп жазады Kun.uz сайты.
Нызам жойбарының статьяларының бири (25), барлық мәмлекетлик хызметкерлерге (техникалық топар хызметкерлери категориясындағылар буған кирмейди) ҳәр жылы мүлклери ҳаққында декларация, дәраматлары ҳәм көп муғдардағы қәрежетлери ҳаққында мағлыўмат бериўди мәжбүрий етип қойыўды усыныс етпекте.
Егер нызам қабыл етилсе, мәмлекетлик хызметкерлер өз шаңарақ ағзалары, солар қатарында ата-анасы, өмирлик жолдасы, перзентлериниң мүлклери, дәраматлары ҳәм қәрежетлери ҳаққындағы декларацияны усыныўға мәжбүр болады.
Айрым категориядағы мәмлекетлик хызметкерлер ушын (олардың дизими президент тәрепинен белгиленеди) мүлкке, дәраматларға ҳәм көп муғдардағы қәрежетлерге қосымша талаплар белгилениўи мүмкин.
Мәмлекетлик хызметке қабыл етилиўи ушын барлық талабанлар, олардың биринши дәрежели ағайин-туўысқанлары болған шаңарақ ағзаларын мәмлекетлик хызметке кириў ўақтында мүлк декларациясы, дәраматлар ҳәм көп муғдардағы қәрежетлери ҳаққындағы мағлыўматларды усыныўы мәжбүрий етип қойылыўы мүмкин.
«Декларацияны тапсырғаны ҳаққындағы мағлыўмат мәмлекетлик хызметлер бойынша ўәкилликли орган тәрепинен, талабанның мәмлекетлик хызметке қабыл етиў ҳаққындағы қарар шығарылғанға шекем тексериледи», - деп келтирилген жойбарда.
Хызметкер надурыс ҳәм толық болмаған мағлыўматларды усынса (ямаса улыўма тапсырмаса), бул оны жумыстан шығарып жибериўге тийкар болады.
Ҳүжжетти 5-июньға шекем додалаў мүмкин. Күшке киргизилиўи режелестирилген сәне – 1-июль.

Сайтымыздың телеграмдағы каналына ағза болың: https://t.me/karinformuz

Ислам Матеков.

21-05-2018, 16:07
Көрилди: 169
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: