Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Билл Гейтс усы жазда оқыў ушын бес китапты усыныс етти

Билл Гейтс усы жазда оқыў ушын бес китапты усыныс етти

Microsoft тийкаршысы Билл Гейтс усы жазда оқып шығыў ушын бес китаптың дизимин жәриялады. Гейтс өзиниң блогында айтыўына қарағанда, китаплардың көлеми кишкене болып, оларды оқыў жүдә аңсат.
«Соңғы ўақытлары мен әжайып китапларды оқып шықтым. Бул китаплардың дизимин жазып атырғанымда, олардың айырымлары инсанды не нәрсе данышпан қылыўын, жақсы адамлар менен не ушын жаман нәрселер жүз бериўин, адамзаттың қай жерден келип шыққаны ҳәм қаяққа қарай кетип баратырғанлығы сыяқлы мәселелер сөз етилгенлигин түсиндим», - дейди ол.
Гейтс Уолтер Айзексонның «Leonardo da Vinci» («Леонардо да Винчи») китабын усыныс еткен. Миллиардердиң сөзлерине қарағанда, китапта художниктиң өмиринен қызықлы фактлер келтирилген.
Сондай-ақ, исбилермен Кейт Боулердың «Everything Happens for a Reason and Other Lies I’ve Loved» («Ҳәмме нәрсеге себеп бар ҳәм маған унайтуғын басқа жалған») китабын оқыўды усыныс еткен. Жазыўшы бул китапты өзинде рактың ең соңғы басқышы анықланған ўақытта жазған. Нәтийжеде, кеўилди тербететуғындай жүдә күлкили роман жүзеге келген.
Гейтс дизимге Жорж Сандерстиң «Lincoln in the Bardo» («Линкольн бардода») китабын да киргизген. «Мен Авраам Линкольн ҳаққында барлық нәрселерди билемен деп ойлап едим. Бирақ, бул роман оның турмысының айырым дәўирлерин қайта көрип шығыўға мәжбүрледи», - деп пикир билдирген.
Буннан тыскары, Дэвид Кристианның «Origin Story: A Big History of Everything» («Ҳәмме нәрсениң үлкен тарийхы») китабы усыныс еткен. Шығармада үлкен жарылыўдан баслап барлық нәрселер ҳаққында сөз етиледи. «Китап сизге адамзаттың Космостағы орны ҳаққында түсиник береди», - дейди ол.
Дизимниң соңынан Ганс Рослинг, Оли Рослинг ҳәм Анна Рослинг Роннлундтың «Factfulness» китабы орын алған. Халық аралық ден саўлықты сақлаў мәселелери бойынша профессор Ганс Рослинг дүнья ҳаққында әпиўайы ҳақыйқатларды түсиндирип береди.

Сахибжамал Есемуратова

23-05-2018, 13:09
Көрилди: 206
Пикирлер: 0
Баспа ушын