Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Орайлық банк 50, 100 сумлық тыйынлар ҳәм 50, 100, 200 ҳәм 500 сумлық банкноталардың қалай жыйнап алынатуғынлығына анықлық киргизди



Орайлық банк айланыстан шығарылып атырған тыйынлар ҳәм банкноталарды алмастырыў тәртибин жәриялады. Бул ҳаққында Kun.uz хабар бермекте.
Алдын айланыстағы 50 ҳәм 100 сумлық тыйынлар, сондай-ақ, 50, 100, 200 ҳәм 500 сумлық банкноталар айланыстан қайтарып алыныўы, олардың орнына болса 2018-жыл үлгисиндеги 50, 100, 200 ҳәм 500 сумлық тыйынлар айланысқа киргизилиўи ҳаққында хабар берилген еди.
Атап өтилиўинше, ески үлгидеги тыйынларды ҳәм банкноталарды айланыстан қайтарып алыў тәбийғый усыл арқалы, яғный банк кассаларына келип түскен бул тыйынлар және банкноталарды қайта айланысқа шығармаў арқалы әмелге асырылады.
Тастыйықланған тәртипке қарағанда, айланыста болыў мүддети:
- ески үлгидеги 50, 100 сумлық тыйынлар ҳәм 50, 100 сумлық банкноталар ушын 2019-жылдың 1-июлына шекем;
- ески үлгидеги 200, 500 сумлық банкноталар ушын 2020-жылдың 1-июлына шекем белгиленген.
Белгиленген мүддет даўамында бул банкнота ҳәм тыйынлар нызамлы төлем қуралы болып, олар арқалы нақ пулдағы төлемлерди әмелге асырыў мүмкин.
Хабарда жазылыўынша, халық өз қолындағы ески үлгидеги тыйын ҳәм банкноталарды банклер арқалы жаңа үлгидеги тыйынларға алмастырып алыўы да мүмкин.
Ески үлгидеги тыйынлар ҳәм банкноталарды банклер арқалы жаңа тыйынларға алмастырып алыў:
- 50, 100 сумлық тыйынлар ҳәм 50, 100 сумлық банкноталар жаңа үлгидеги 50, 100, 200, 500 сумлық тыйынлар айланысқа киргизилгеннен баслап;
- ески үлгидеги 200, 500 сумлық банкноталарды 2019-жылдың 1-июлынан баслап банк кассалары арқалы әмелге асырылады.
Мағлыўматта келтирилиўинше, Өзбекстан Республикасы Орайлық банкиниң жаңа үлгидеги 50, 100, 200 ҳәм 500 сумлық тыйынлардың айланысқа киргизилиў сәнеси, олардың көриниси ҳәм түсиндирмеси Орайлық банктиң веб-сайты ҳәм ҒХҚ арқалы жәрияланады.

Сайтымыздың телеграмдағы каналына ағза болың: https://t.me/karinformuz

Ислам Матеков.

23-05-2018, 13:49
Көрилди: 189
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: