Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Сентябрь айында Мойнақта электрон музыкалар фестивалы өткериледи



Усы жылдың 14-сентябрь күни Мойнақ қаласындағы «Корабльлер қойымшылығы»нда абстракт электрон музыкалар фестивалының өткерилиўи режелестирилмекте.
Мағлыўматларға қарағанда, фестивал Өзбекстан Республикасы мәмлекетлик туризм комитетиниң қоллап-қуўатлаўында шөлкемлестирилип, Мойнақтағы «Корабльлер қойымшылығы» естелиги жанындағы сахнада өткериледи. Бунда музыка даўысының теңиздиң қурыған ултаны тәрептен келиўи айрықша өзгешелик сыпатында қаралмақта.
Бул ҳаққында усы жылдың 30-апрель сәнесинде тастыйықланған Өзбекстан Республикасы Министрлер Кабинетиниң 24/1-232-санлы протоколында баян етилген.
Фестивалдың мақсети – Арал теңизиниң бүгинги аўҳалы ҳаққында дүнья жәмийетшилигиниң дыққатын қаратыў, суўдан үнемли пайдаланыўға шақырыў ҳәм Арал теңизин қайта тиклеў бойынша жуўапкершиликти арттырыўдан ибарат.
Фестивалдан түсетуғын қаржылар Арал бойын раўажландырыў ушын жумсалады.

Сайтымыздың телеграмдағы каналына ағза болың: https://t.me/karinformuz

Ислам Матеков.

25-05-2018, 18:25
Көрилди: 76
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: