Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстан хабар агентлигине жаңа директор тайынланды



Елимизде жумыс алып барып атырған ғалаба хабар қураллары арасында гиреўли орны бар Қарақалпақстан хабар агентлигине жаңа директор тайынланды.
26-май күни Қарақалпақстан Республикасы Жоқарғы Кеңесиниң комитет баслығы Д.Қурбаниязов, Қарақалпақстан Республикасы Журналистлер аўқамының баслығы К.Реймов ҳәм тийисли тараў ўәкиллери қатнасыўында жыйналыс өткерилди.
Жыйналыста агентликтиң усы күнге шекем директоры сыпатында жумыс алып барған Есимқан Қанаатовтың Өзбекстан Миллий мәлимлеме агентлиги (ӨзА)ниң Қарақалпақстан Республикасы бойынша хабаршысы лаўазымына өтиўине байланыслы Қарақалпақстан хабар агентлигине белгили журналист, мәмлекетлик ғайраткер Баҳамдулла Нурабуллаев тайынланды.
Еслетип өтемиз, Баҳамдулла Нурабуллаев усы күнге шекем республикалық көлемдеги ғалаба хабар қуралларында, сондай-ақ, Қарақалпақстан Республикасы Жоқарғы Кеңесиниң комитет баслығы, Әжинияз атындағы Нөкис мәмлекетлик педагогикалық институты жанындағы Халық билимлендириў хызметкерлерин қайта таярлаў ҳәм олардың қәнигелигин арттырыў аймақлық орайының директоры лаўазымларында ислеген.

Сайтымыздың телеграмдағы каналына ағза болың: https://t.me/karinformuz

Ислам Матеков.

26-05-2018, 12:52
Көрилди: 419
Пикирлер: 1
Баспа ушын

Пикир(1)
Ашир 9 августа 2018 18:43
Бул киси хеш лауазымнан кетпейди екенде. Адамлар айтыуына караганда карта ойнап колга тускен дейдиго. Кулип турмаган инсан екен. Адам деген бир кулип турмайма.
[reply]Ответить[/reply]          1