Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бир минимальный төлеп, басқа қәнигелик бойынша тест тапсырса бола ма? Мәмлекетлик тест орайының ўәкили анықлық киргизди

Бир минимальный төлеп, басқа қәнигелик бойынша тест тапсырса бола ма? Мәмлекетлик тест орайының ўәкили анықлық киргизди

Хабарыңыз бар, усы жылдың 16-июнь күнинен баслап республикамыздағы барлық жоқары оқыў орынларында келеси 2018-2019-оқыў жылы ушын абитуриентлерден ҳүжжетлерди қабыллаў процеси басланды.
Алдын хабар берилгениндей, быйылғы тест сынақлары 1-15-август күнлери аралығында өткериледи. Сол себепли көпшилик абитуриентлер ҳәм кең жәмийетшилик арасында «Бир минимальный (ең кем айлық мийнет ҳақы – И.М.) төлеп, басқа қәнигелик бойынша тест тапсырыўға болады екен» деген мазмундағы түсиниксизликлер көбейгенлиги сыр емес.
Бундай мазмундағы гәплердиң пайда болыўы да тәбийғый. Мәселен, абитуриент 1-август күни болып өтетуғын тест сынақларында қатнасса, соның менен бирге, тест блоклары сәйкес келетуғын басқа қәнигеликтен 5-август күни өткерилетуғын тест сынақларына қатнаса алыўым мүмкин, деген түсиник жүзеге келди.
KarInform.uz сайтының редакторы Ислам Матеков усы мазмундағы сораў менен Мәмлекетлик тест орайының Қарақалпақстан Республикасындағы ўәкили Музаффар Абдуллаевқа мүрәжат етти.

- Өзбекстан Республикасы Министрлер Кабинетиниң 2018-жыл 3-апрельдеги 261-санлы қарарына тийкарланып, Өзбекстан Республикасында ҳәр бир абитуриент бир жоқары оқыў орнының бир қәнигелигине ғана ҳүжжет тапсырыўы мүмкин. Абитуриентлер ҳәм кең жәмийетшилик арасында ең кем айлық мийнет ҳақысын төлеп, басқа қәнигелик бойынша тест сынақлары бойынша тест сынақларына қатнаса алыўы ҳаққындағы гәплер – тастыйықланбаған, жалған мағлыўмат есапланады. Абитуриент басқа қәнигелик бойынша тест тапсырмақшы болса, биринши тапсырған қәнигеликтен өз ҳүжжетлерин қайтарып алыўы керек.
Соны айта кетиў керек, абитуриентлер жергиликли жоқары оқыў орынлары менен бир ўақытта тек сырт еллердиң Өзбекстандағы жоқары оқыў орынлары ҳәм филиалларына ғана ҳүжжет тапсыра алады, - деп анықлық киргизип өтти Мәмлекетлик тест орайының ўәкили.

Быйылғы жылы өткерилетуғын тест сынақларында өзгерислер оғада көп. Мәмлекетлик тест орайының ўәкили Музаффар Абдуллаев пенен сәўбетлесиўде көплеген жаңа мағлыўматларға ийе болдық. Сайтымыз арқалы оларды кең түрде сәўлелендирип барамыз. Бизди оқып барың.

Ислам Матеков.

Сайтымыздың телеграмдағы каналына ағза болың: https://t.me/karinformuz

26-06-2018, 10:41
Көрилди: 149
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: