Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қуранбоев Тахтакөпир жасларының қандай машқалаларын шешиўге жәрдем берди?



Усы жылдың 10-июль күни Тахтакөпир районындағы 17-санлы музыка ҳәм балалар көркем-өнер мектебинде Өзбекстан Республикасы Президентиниң Мәмлекетлик кеңесгөйи - Өзбекстан Жаслар аўқамы Орайлық Кеңесиниң баслығы Қ.Қуронбоев район жаслары менен ушырасты, деп хабар берди Өзбекстан жаслар аўқамы Тахтакөпир районлық Кеңеси баслығы Т.Нагимов. Ушырасыўдан мақсет «Жаслар – келешегимиз» Мәмлекетлик бағдарламасын үгит-нәсиятлаў ҳәм жаслардың машқалаларын үйренип, оларды сапластырыўға ҳәм өз шешимин табыўға жәрдемлесиўден ибарат.
Илажда Өзбекстан Республикасы Президентиниң 2018-жыл 27-июньдеги ««Жаслар – келешегимиз» Мәмлекетлик бағдарламасы ҳаққында»ғы пәрманында белгиленген ўазыйпалар ҳәм жаслар ушын жаратылған имканиятлар ҳаққында мағлыўматлар берилди.



Сондай-ақ, райондағы жаслардың исбилерменлик пенен шуғылланыўы ушын шәраятлар жаратылып, оларға өзлериниң бизнесин баслаў ушын жеңиллетилген кредитлер ажыратып бериў мәселеси көрилди. Атап айтқанда, Тахтакөпир районында жасайтуғын Н.Аймишова «Кондитер өнимлери» ҳәм П.Уралбаева «Хызмет көрсетиў» орайларын шөлкемлестириў мақсетинде билдирген мүрәжаты қанаатландырылып, оларға 60 млн сўмнан аслам муғдарда кредит ажыратылды. Ушырасыўда буннан басқа да, бир қатар жаслардың машқалалары додаланды, жаслардың пикир ҳәм усыныслары тыңланып өз шешимин тапты.
Илажда Қарақалпақстан Республикасы Жоқарғы Кеңеси Баслығының орынбасары А.Хамраев ҳәм Қарақалпақстан Республикасы прокуроры Р.Рахматовлар қатнасты.

Сахибжамал Есемуратова

11-07-2018, 00:11
Көрилди: 282
Пикирлер: 0
Баспа ушын