Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Усы жылдың 6 айында жәми жынаятлардың 30 проценти жаслар тәрепинен исленген



Өзбекстан Республикасы Президенти Шавкат Мирзиёевтиң басшылығында жынаятшылықтың ерте алдын алыў бағдарындағы жумысларға бағышланған видеоселектор мәжилиси болып өтти.
Онда ишки ислер системасын түп-тийкарынан реформалаў мәселеси додаланды. Алдын барлық хызметкерлердиң 60 проценти қалалық ҳәм районлық басқармаларда, 40 проценти орынларда жумыс алып барған болса, енди 35 проценти уйымларда қалдырылып, 65 проценти халыққа жақын болыўы ушын мәкан пуқаралар жыйынлары жанында ислей баслады. Системаны жетилистириўге байланыслы 80 нен аслам ҳүжжет қабыл етилди.
Жынаятшылыққа қарсы гүресиўде ҳуқықбузарлықлар ҳәм оларды ислеўге бейим шахслардың есабын жүргизиўдиң нәтийжели механизмлерин жүргизиў, ишки ислер министрлигиниң ҳуқықбузарлықлардың бирден-бир есабын жүргизиў, таллаў ҳәм өз-ара информация алмасыўға жуўапкер Информация орайы болса ҳәрекетсиз орынға айланып қалғанлығы, буған шек қойыў ушын Информация орайын Бас прокуратураның қурамына өткериў мақсетке муўапық екенлиги айтып өтилди.
Мағлыўматларға қарағанда, 2017-жылы жынаятлар 2016-жылға салыстырғанда 16 процентке, усы жылдың 6 айында болса өткен жылдың усы дәўирине салыстырғанда 39 процентке кемейген. Бирақ, қастан адам өлтириў, аўыр дене жарақатын жеткериў, тонаўшылық, басқыншылық, урлық ҳәм алдаўшылық жынаятларының саны елеге шекем жоқары болып қалмақта.
Мәжилисте жаслар арасында жынаятшылық кемеймей атырғанына байланыслы мәселе көрип шығылды. Усы жылдың 6 айында елимизде атап өтилген жәми жынаятлардың 30 процентинде жаслардың қолы бар екенлиги атап өтилди. Буның себеби жаслар бир идея, бир мақсет жолында бирлеспей атырғанын, тәлим-тәрбия ҳәм бәнтликти тәмийинлеўде көплеген системалы машқалалар шешилмей атырғанынан болып табылады.

Сахибжамал Есемуратова

31-07-2018, 12:05
Көрилди: 60
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: