Усы жылдың 11-сентябрь күни НМПИге Япониядан профессор-оқытыўшылар келеди

Усы жылдың 8-11-сентябрь күнлери елимизге Япония мәмлекетинен бир қатар профессор-оқытыўшылардың келиўи жобаластырылған. Япониядағы ең белгили ҳәм абыройлы 9 жоқары оқыў орнынан 10 профессор-оқытыўшының келиўи ҳәм олардың Арал теңизине саяхат етип, ол жердеги бүгинги жағдай менен танысыўы нәзерде тутылған. Сондай-ақ, олар сапар даўамында Әжинияз атындағы Нөкис мәмлекетлик педагогикалық институтында болып, бул жердеги оқыў процеси менен жақыннан танысады. Бул ҳаққында кейинирек толық мағлыўматларды сайтымыз арқалы берип барамыз.
Елимизге бундай жоқары дәрежедеги мийманлардың келиўи ҳәм олардың орынларда ушырасыўлар өткериўи профессор-оқытыўшылар ҳәм студент жаслардың билимге және де қызығыўшылығын арттырыўы сөзсиз.

Әжинияз атындағы Нөкис мәмлекетлик педагогикалық институты «Халық аралық байланыслар» бөлими методисти
Сахибжамал Есемуратова