Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Волейбол бойынша НМПИ қызлар командасы Өзбекстан суперкубогы жеңимпазы ҳәм абсолют чемпионы болды

Волейбол бойынша НМПИ қызлар командасы Өзбекстан суперкубогы жеңимпазы ҳәм абсолют чемпионы болды
Усы жылдың 10-13-сентябрь күнлери аралығында Ташкент қаласында волейбол бойынша қызлар командалары арасында Өзбекстан суперкубогы ҳәм абсолют чемпионлығы ушын жарыс өткерилиўи жобаластырылған еди.
Онда быйылғы жылы Өзбекстан чемпионлығын қолға киргизген Әжинияз атындағы Нөкис мәмлекетлик педагогикалық институты командасы ҳәм Өзбекстан кубогы жеңимпазы Әндижан ўәлаяты командалары өз ара жарысқа түсти.
Жарыс даўамында Нөкис мәмлекетлик педагогикалық институты командасының спортшы қызлары қарсыласларына ҳеш қандай имканият қалдырмады. Есап 3:2, 3:1 ҳәм 3:0 көринисинде Нөкис мәмлекетлик педагогикалық институты командасы спортшыларының жеңиси менен жуўмақланды ҳәм институт қызлар командасы Өзбекстан супер кубогы және абсолют чемпионлығын қолға киргизди.
Спортшыларды жарысқа Қарақалпақстан Республикасында хызмет көрсеткен тренер ҳәм спорт устасы Азат Казаков таярлады.

Ислам Матеков.

Сайтымыздың телеграмдағы каналына ағза болың: https://t.me/karinformuz

13-09-2018, 18:53
Көрилди: 70
Пикирлер: 0
Баспа ушын