Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Быйылғы пахта териминде неше сум ислеп табыў мүмкин? Теримшилер ушын қандай шараятлар жаратылған?

Быйылғы пахта териминде неше сум ислеп табыў мүмкин? Теримшилер ушын қандай шараятлар жаратылған?
2018-жылғы пахта жыйым-терими неси менен парқланады? Быйыл пахта терими ушын көп муғдарда қаржы ажыратылған. Бул процесс пуқаралардың өз қәлеўи менен, ықтыярлы түрде әмелге асырылмақта.
Пахта шийки заты машинада терилгенде, бир тоннасы ушын 400 мың сум, ал қолда терилген бир килограмм пахта ушын 650 сумнан 1000 сумға шекем ҳақы төлениўи белгиленди.
2017-жылы пахтаны қолда териў ушын төленетуғын мийнет ҳақы 450, 500 ҳәм 700 сумды қураған болса, быйыл теримшилер биринши басқышта контрактациялық шәртнаманы 60 процентке орынланғанға шекем 1 кг пахта шийки затын тергенде 650 сум, екинши басқышта – 60 проценттен 80 процентке шекем 850 сум, үшинши басқышта – 80 проценттен өткенде 1000 сумнан мийнет ҳақы төлеў белгиленди.
Сондай-ақ, халық аз болған аймақлар ушын айрықша тәртип белгиленип, Жиззақ, Сырдәрья, Ташкент ўәлаятларының барлық районларында, сондай-ақ, Қашқадәрья ўәлаятының Косон, Муборак, Нишон ҳәм Касби, Сурхандәрья ўәлаятының Қизириқ ҳәм Музработ районларында қолда терилген бир килограмм пахта ушын қосымша 150 сум, азық-аўқат қәрежетлерине 150 сум, жәми 300 сум үстеме ҳақы төлениўи айтылды. Мәселен, пахта терими мәўсиминиң биринши басқышында теримшилер жоқарыда атап өтилген аймақларда 1 кг пахта ушын 950 сум ҳақы алыўы нәзерде тутылған.
Егер Сиз өзиңиз ямаса шаңарақ ағзаларыңыз бенен пахта жыйым-теримине қатнаспақшы болсаңыз +99861 2227084, +99861 2260150 телефон номерлерине хабарласыўыңыз, сондай-ақ, terim.uz веб-сайты ҳәм Telegram тармағындағы @terimuzbot мәнзилине мүрәжат етип, анкетаны толтырыўыңыз керек.
Хош, теримшилер ушын қандай шараятлар жаратылған? Барыў-келиў ушын автотранспорт, барлық шараятларға ийе жатақ жер, ҳәр күнлик азық-аўқат ҳәм терилген пахта ушын ҳәр күни атыз басында мийнет ҳақы төлениўи мәмлекет тәрепинен кепилленеди.
Егер Сиз 650 сумнан есаплағанда күнине орташа 70 килограмнан пахта терсеңиз, терим мәўсимин орташа 40 күн деп есаплағанда күнине 45 мың 500 сумнан, орташа 1 миллион 820 мың сум қаржы болады. Егер Сиз өз шаңарақ ағзаларыңыз бенен пахта теримине барсаңыз, еле де көбирек қаржы топлаў имканиятына ийе боласыз. Бундай имканиятты қолдан бермең!

Ислам Матеков.

Сайтымыздың телеграмдағы каналына ағза болың: https://t.me/karinformuz

24-09-2018, 11:17
Көрилди: 82
Пикирлер: 0
Баспа ушын