Хош хабар! НМПИдиң 4 студенти мәмлекетлик стипендиялар таңлаўында жеңимпаз болды

Өзбекстан Республикасы Жоқары ҳәм орта арнаўлы билимлендириў министрлигиниң 2018-жыл 25-сентябрь күнги «2018-2019-оқыў жылы ушын Республика жоқары оқыў орынлары студентлерине Өзбекстан Республикасы мәмлекетлик стипендияларын (Наўайы, Беруний, Улығбек, Ибн-Сина, Имәм әл-Бухарий, Ислам Кәримов) тайынлаў ҳаққында»ғы 808-санлы буйрығына муўапық, Әжинияз атындағы Нөкис мәмлекетлик педагогикалық институты:

Химия-биология факультети, биология оқытыў методикасы бакалавр тәлим бағдары 3-курс студенти Нурмахашева Гөззал Сакеновна (илимий басшысы б.и.к., доцент Ф.Отенова);
Тарийх-география факультети, Тарийх оқытыў методикасы бакалавр тәлим бағдары 4-курс студенти Абдуллаева Аълохон Атамуратовна (илимий басшысы т.и.к., доцент А.Сарыбаев);
Филология факультети, Қарақалпақ тили ҳәм әдебияты бакалавр тәлим бағдары 4-курс студенти Оразбаева Гөззал Уснаддин қызы (илимий басшысы ф.и.к., доцент М.Бекбергенова) Наўайы атындағы мәмлекетлик стипендиясы;
Сондай-ақ:
Тарийх-география факультети, География оқытыў методикасы бакалавр тәлим бағдары 3-курс студенти Шәрибаев Амир Муратбай улы (илимий басшысы: п.и.к., доцент Р.Гаипова) Ислам Кәримов атындағы мәмлекетлик стипендия жеңимпазы болды.

Ислам Матеков.

Сайтымыздың телеграмдағы каналына ағза болың: https://t.me/karinformuz