Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Корея Республикасының KOICA шөлкеми ўәкиллери НМПИге келди

Корея Республикасының KOICA шөлкеми ўәкиллери НМПИге келди
5-сентябрь күни Әжинияз атындағы Нөкис мәмлекетлик педагогикалық институтында Корея халықаралық бирге ислесиў шөлкеми – KOICAның Өзбекстандағы ўәкиллери менен ушырасыў болып өтти.
Институт ректоры Б.Отемуратов халықаралық шөлкемниң волонтёрлар координаторы Ким Хёнжонг, KOICAның Өзбекстандағы офиси хызметкери Ш.Шукуров, инторнёр Ли Жисон ҳәм волонтёрлар Ким Ёнгран, Ли Бонглим, Ли Цэонгсокларды елимизге сапар етиўи менен қызғын қутлықлады. Институтта билимлендириў сапасының нәтийжелилигин арттырыў, илимий-әмелий байланысларды күшейтиў бойынша еки тәреплеме алып барылып атырған жумысларға унамлы баҳа берди.
Корея Республикасының KOICA шөлкеми ўәкиллери НМПИге келди
Сапардан гөзленген мақсет, шөлкем волонтёрларының институтта алып барып атырған жумыслары менен танысыў ҳәм алдағы ўақытта оқыў және жәмийетлик бағдарларда бирге ислесиўди еле де жетилистириўден ибарат.
Корея Республикасының KOICA шөлкеми ўәкиллери НМПИге келди
Өз гезегинде, халықаралық шөлкемниң волонтёрлар координаторы Ким Хёнжонг жоқары дәрежедеги сөйлесиўлер ҳәм бирге ислесиў бағдарындағы әмелий қоллап-қуўатлаўлар ушын институт ректораты ҳәм жәмәәтине шын жүректен миннетдаршылық билдирди.
Корея Республикасының KOICA шөлкеми ўәкиллери НМПИге келди
Ушырасыў жуўмағында еки тәреплеме байланыслар ҳәм бирге ислесиўди раўажландырыў бойынша өз ара келисимлер қабылланды.

Ислам Матеков.

Сайтымыздың телеграмдағы каналына ағза болың: https://t.me/karinformuz

6-10-2018, 15:43
Көрилди: 375
Пикирлер: 0
Баспа ушын