Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Әмиўдәрья: фотокамера алдында» атамасындағы фототаңлаўы жәрияланды



Өзбекстан экологиялық ҳәрекети ҳәм Германия халық аралық бирге ислесиў жәмийетиниң «Әмиўдәрьяның төменги ағымларында жерден пайдаланыў ҳәм экосистемаларды сақлаўға экосистемалы көзқарас» бағдарламасы менен биргеликте халық аралық Әмиўдәрья күнлерине бағышланған илажлар шеңберинде «Әмиўдәрья: фотокамера алдында» атамасындағы фототаңлаўын жәриялайды.
Таңлаўдың тийкарғы мақсети – Әмиўдәрьяның глобал экологиялық өзгерислерге тәсири, трансшегаралық суў ресурсларынан пайдаланыў, Әмиўдәрья дәрьясында биологиялық көп түрлиликти сақлаў, суў ресурсларын басқарыў ҳәм суўды тежеў мәселелеринде аймақлық бирге ислесиўди раўажландырыў, экологиялық билимлерди жетилистириўде жәмийетшиликтиң итибарын қаратыўдан ибарат.
Таңлаўға қәлеген адам қатнасыўы мүмкин. Бир автордан көби менен 10 фотосуўрет қабыл етиледи. Фотосүўреттиң астына оның аты келтирилип өтилгенлиги мақсетке муўапық болады. Бир сүўреттиң көлеми 5 мб.тан аспаўы керек. Таңлаўға тапсырылған фотосүўретлер ушын авторлық ҳуқықы сақланып қалынады. Таңлаўға келип түскен сүўретлерден авторларының аты көрсетилген ҳалда Әмиўдәрья дәрьясына бағышланған фотокөгизбеде пайдаланыў, оларды экоҳәрекеттиң веб-сайтына жайластырыў, ҒХҚда пайдаланыў ҳуқықына ийе. Таңлаўға усынылып атырған сүўретлерге қосымша төмендегилер де тапсырылыўы керек: автордың аты, фамилиясы, әкесиниң аты, искерлик түри, жасаў мәнзили, телефон номерлери ҳәм электрон мәнзили.
Дөретиўшилик жумысларды 2018-жылдың 8-ноябрь сәнесине шекем төмендеги мәнзилге жибериўиңиз соралады: Ташкент қаласы, Ғәрезсизлик (Мустақиллик) көшеси 59 жай. Тел.: +99871 2304153, e-mail: info@eco.uz

Сахибжамал Есемуратова

18-10-2018, 20:11
Көрилди: 107
Пикирлер: 0
Баспа ушын