Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Мектеп журналын таярлаў ушын муғаллим пул төлемейтуғын болды

Мектеп журналын таярлаў ушын муғаллим пул төлемейтуғын болды
Өзбекстандағы барлық улыўма орта билим бериў мектеплерде ўақытша класс журналын таярлаў менен байланыслы қәрежетлер билимлендириў мәкемелериниң басқа қәрежетлеринде нәзерде тутылған, тежелген ҳәм экономланған қаржылары есабынан жедел түрде әмелге асырылыўы белгиленди. Бул ҳаққында Халық билимлендириў министри орынбасары Отабек Назиров тәрепинен 24-октябрь күни қол қойылған ҳүжжетте жазылған, деп хабар бермекте Kun.uz.
Ҳүжжетте атап көрсетилиўинше, жергиликли басқарма баслықлары, районлардағы бөлим баслықлары ҳәм барлық улыўма орта билим бериў мәкемелери басшыларына «зәрүр жағдайларда усы мақсетлер ушын қәрежетлер сметасының басқа статьяларында тежелген ҳәм экономланған қаржылардан орнатылған тәртипте нәтийжели пайдаланыў илажларын көриў ўазыйпасы жүклетилди».
Сондай-ақ, басшылар алдына тийисли қаржылар жеткиликли болмаған жағдайларда бюджеттен тысқары қаржылардан пайдаланыў, қәрежетлер бойынша буйыртпаларды жедел түрде аймақлық қаржы органларына киргизиў ўазыйпалары да қойылмақта.
Мағлыўмат ушын, быйылғы оқыў мәўсими басынан берли улыўма орта билим бериў мектеплери класлары ушын класс журналлары жеткерип берилмеди. Халық билимлендириў министрлигиниң атап өтиўинше, класс журналын сатып алыў бойынша тендер жәрияланған ҳәм процесс жуўмағына жетпеген.
Буннан соң министрлик тәрепинен жергиликли басқармаларға мектеплердиң 1-4-, 5-9-, 10-11-класлары ушын ўақытшалық класс журналлары үлгиси жиберилген еди. Буның нәтийжесинде муғаллимлер арасында класс журналын өз қаржылары есабынан таярлаўға мәжбүр болып атырғаны ҳаққында көплеген мүрәжатлар болған.

Ислам Матеков.

Сайтымыздың телеграмдағы каналына ағза болың: https://t.me/karinformuz

29-10-2018, 11:30
Көрилди: 325
Пикирлер: 0
Баспа ушын