Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Футболкаларға номер қойыў қалай келип шыққан?

Футболкаларға номер қойыў қалай келип шыққан?

1928-жылы 13-октябрь күни Лондонның «Арсенал» ҳәм «Челси» командалары биринши мәрте номерлер түсирилген футболкаларды кийип ойнады. Ўақыттың өтиўи менен бул әдет басқа да клубларда бақлана баслады. 1950-жылға келип ФИФА ойынға номерленген футболкаларда шығыўды миннетли етип қойды. Дәслебинде номерлер майдандағы футболшылардың орналасыў тәртибине қарай берилген. Мәселен, дәрўазаман №1 номерин алса, шеп қанат қорғаўшысы №11 номердеги футболканы кийген. №12, №13 номердеги ойыншылар резервтеги ойыншылар болған.
Бул әдетти голландиялы белгили футболшы Йохан Кройф бузды. Ол ойынға өзине унаған номер менен шығатуғын болған – дәслепки ўақытлары №14, кейин ала №30 номердеги футболкада ойнаған.
1978-жылы Аргентина футболшыларының арасында номерге таласыў машқаласы келип шықты. Буны Менотти тоқтата алды. Ол футболшылардың атына ҳәм әлипбедеги ҳәриплердиң избе-излигине қарап номер бериўди енгизди. Мәселен, футболшының аты Алонсо болса, оған №1 номер берилген. Бирақ, бул әдет те көпке созылмады. 1982-жылы Марадона өзине №10 номердеги футболканы сайлап, бул әдетти тоқтатты.
Бүгинги күнде ФИФАның нызамына тийкар, футболшылар №1 ҳәм №99 номерлери арасынан өзине номер алыўы мүмкин.

Ислам Матеков.

19-08-2017, 19:15
Көрилди: 698
Пикирлер: 1
Баспа ушын

Пикир(1)
Qulmurat 22 августа 2017 07:53
Nomerlerdi bilmedim biraq Ronaldunin suwretine gap jooooq Ronaldu baribir Ronaldu daaaa
[reply]Ответить[/reply]          1