Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Өзбекстанда неке жасы өзгериўи мүмкин бе?

Өзбекстанда неке жасы өзгериўи мүмкин бе?
Өзбекстанда неке жасы өзгериўи мүмкин. Бул ҳаққында Ҳаял-қызлар комитети баслығының орынбасары Мукаррам Нурматова мәлим етти, деп жазады Kun.uz сайты.
ӨзАның хабар бериўинше, Ҳаял-қызлар комитети баслығының орынбасары Өзбекстанда халықтың 98% и шаңарақларда жасаўы ҳәм 7 миллионнан аслам шаңарақлар бар екенлигин айтқан. Шаңарақлардың бузылыўының бирлемши себеби болса материаллық қыйыншылықлар емес. Шаңарақтағы тәрбия, еки жастың этикасы некениң беккемлигине көбирек тәсир етеди.
Неке жасын үлкейтиў бойынша болса ҳаял-қызлар комитети өз усынысларын берген. Комитет баслығы орынбасарының айтыўынша, неке қурыў ушын рухсат етилген ең киши жас еркеклер ҳәм қызлар ушын бирдей – 18 жас етип белгилениўи усыныс етилген. Бирақ, ерте турмыстың унамсыз ақыбетлери үгит-нәсиятланыўына қарамастан айрым ўәлаятларда қызлар 16 жасынан турмысқа узатылмақта.
Еслетип өтемиз, ҳәзирги ўақытта шаңарақ қурыўдың ең киши жасы еркеклер ушын 18, қызлар ушын 17 жас етип белгиленген.

Ислам Матеков.

Сайтымыздың телеграмдағы каналына ағза болың: https://t.me/karinformuz

19-11-2018, 13:09
Көрилди: 191
Пикирлер: 0
Баспа ушын