Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Даўыт ата» посты ҳәм «Қарақалпақстан» станциясында контрабандашылар усланды

«Даўыт ата» посты ҳәм «Қарақалпақстан» станциясында контрабандашылар усланды
Қарақалпақстан Республикасы бажыхана басқармасы Контрабанда ҳәм бажыхана нызамшылығының бузылыўына қарсы гүресиў бөлими хызметкерлери тәрепинен «Даўыт ата» шегара бажыхана постында оператив илаж өткерилди, деп хабар бермекте Daryo.uz басқарма баспасөз хызмети хабарына тийкарланып.
Пуқара Б.Ф. басқарыўындағы Нексия маркалы автотранспорт қуралы бажыхана тексериўинен өткерилгенде, жолаўшы бажыхана декларациясында көрсетилмеген, дәслепки есаплаўларға бола баҳасы 71 миллион сумға шамалас ҳаял-қызлар гигиеналық қураллары ҳәм ҳәр қыйлы хожалық товарлары бар екенлиги анықланды.
Сондай-ақ, «Қарақалпақстан» темир жол станциясында 324-санлы «Волгоград-Ташкент» жолаўшы поездинде пуқара Р.Д.ға тийисли болған, вагонның көмир сақлаў ушын арналған жеринде көмир астына бажыхана тексериўинен жасырылған полиэтилен қалтада баҳасы 23 миллион сумлық стоматологиялық үскенелери бар екенлиги анықланды.
Ҳәзирги ўақытта бажыхана тексериўлери даўам еттирилмекте.

Ислам Матеков.

Сайтымыздың телеграмдағы каналына ағза болың: https://t.me/karinformuz

22-11-2018, 16:32
Көрилди: 123
Пикирлер: 0
Баспа ушын