Дизимнен өтиў Кириў
Сайтқа кириў
Качественные бесплатные шаблоны dle скачать с сайта



НМПИдиң «Туран» командасы «Қуўнақлар ҳәм зийреклер» таңлаўы финалында! Финал ойыны қашан болып өтеди?

НМПИдиң «Туран» командасы «Қуўнақлар ҳәм зийреклер» таңлаўы финалында! Финал ойыны қашан болып өтеди?
Өзбекстан Республикасы Жоқары ҳәм орта арнаўлы билимлендириў министрлиги, Өзбекстан жаслар аўқамы, Руўхыйлық ҳәм ағартыўшылық орайы менен биргеликте Өзбекстан Республикасының барлық жоқары оқыў орынлары студентлери арасында «Қуўнақлар ҳәм зийрек» таңлаўы ҳәр жылы өткерилип келинбекте.
Алдын хабар бергенимиздей, таңлаўдың шерек финал басқышында ең жоқары балл менен Нөкис мәмлекетлик педагогикалық институтының «Туран» командасы ярым финалға жол алған еди.
НМПИдиң «Туран» командасы «Қуўнақлар ҳәм зийреклер» таңлаўы финалында! Финал ойыны қашан болып өтеди?

Ярым финал басқышында Ташкент ирригация ҳәм аўыл хожалығын механизациялаў инженерлери институтының «Тарғибот», Ташкент мәмлекетлик аграр университети Нөкис филиалының «Agrolife» ҳәм Өзбекстан мәмлекетлик жәҳән тиллери университетиниң «Болалар» командалары менен финал басқышына жоллама алыў ушын өзлериниң қәбилетлерин көрсете алған институт студентлери «Тарғибот» командасы менен бирге финал жолламасына ийе болды. «Тарғибот» 11,6 балл менен, ал «Туран» 11,5 балл менен финалға жол алды.
НМПИдиң «Туран» командасы «Қуўнақлар ҳәм зийреклер» таңлаўы финалында! Финал ойыны қашан болып өтеди?

Нөкис мәмлекетлик педагогикалық институтының «Туран» командасы финал басқышында Ташкент мәмлекетлик аграр университети Әндижан филиалының «Оғалар», Ташкент ирригация ҳәм аўыл хожалығын механизациялаў инженерлери институтының «Тарғибот», Ташкент финанс институтының «Молиячи», Ташкент информатициялық технологиялар университетиниң «Позитив», Ташкент мәмлекетлик аграр университетиниң «Янги юлдузлар» командалары менен беллеседи.
Финал басқышы 18-декабрь күни саат 18:00 де «Халқлар дўстлиги» сарайында болып өтеди.
Финал басқышында «Туран» командасын қоллап-қуўатлаўға шақырамыз.

Ислам Матеков.

Сайтымыздың телеграмдағы каналына ағза болың: https://t.me/karinformuz

15-12-2018, 15:52
Көрилди: 1044
Пикирлер: 0
Баспа ушын