Дизимнен өтиў Кириў
Сайтқа кириў
Качественные бесплатные шаблоны dle скачать с сайта



2019-жылы ең кем мийнет ҳақы муғдары максимал дәрежеде аз суммаға көбейтиледи


Бул ҳаққында жәмийетшилик додалаўы ушын усыныс етилген «Жедел инвестициялар ҳәм социаллық раўажланыў жылы» Мәмлекетлик бағдарламасы жойбарында сөз етилген.
Қаржы министрлиги, Мийнет министрлиги, Экономика министрлиги, Орайлық банкке 2019-жыл 1-мартқа шекем халықтың мийнет ҳақы, басқа дәраматлары, баҳалар ҳәм есаплардың ең кем айлық мийнет ҳақы суммасына байланыслылығын максимал дәрежеде кемейтиў және басқышпа-басқыш бийкар етиў, мийнет ҳақы муғдарын басқа факторларға тәсир етпейтуғын тәризде көбейтиў механизмин енгизиўди нәзерде тутыўшы нормативлик-ҳуқықый ҳүжжет жойбарын таярлаўы керек.
Усыныс етилип атырған жойбарға муўапық, дәслепки басқыш – 2019-жылда ең кем айлық мийнет ҳақы муғдары максимал дәрежеде аз суммаға көбейтиледи, 2020-жылдан баслап болса ең кем айлық мийнет ҳақының муғдары инфляцияға қарсы гүресиў қуралларын қолланған ҳалда ҳәр еки ямаса үш жылда бир мәрте көбейтиледи ҳәм оннан кейинги жылларда турақлы жағдайда сақлаўға ҳәрекет етиледи.
Сондай-ақ, 2019-жылдан баслап хызметкерлердиң мийнет ҳақы муғдарын ҳәр жылы бирден-бир тариф сеткасы бойынша тариф коэффициентин арттырыў есабынан көбейтиў жобаластырылмақта. Пенсия, стипендия ҳәм напақалардың суммасын да бирден-бир тариф сеткасы бойынша тариф коэффициентин арттырыў есабынан көбейтиў нәзерде тутылмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

4-01-2019, 12:22
Көрилди: 407
Пикирлер: 0
Баспа ушын