Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Арал шегинсе де, инсан шегинбес (қосық)


Аралымның көкке жетип наласы,
Бар дыққатын қаратты “Ел ағасы“,
Қайта туўылады, Мойнақ қаласы,
Арал шегинсе де, инсан шегинбес.

Қыс күнинде жер қатса да сиресип,
Арал ултанында турған дуз есип,
Қырсық тәбиятқа қарсы гүресип,
Арал шегинсе де, инсан шегинбес.

Тум-тустан техника жегилип атыр,
Сексеўил туқымы егилип атыр,
Бир уллы өзгерис сезилип атыр,
Арал шегинсе де, инсан шегинбес.

Жанланды аэропорт жатырған тозып,
Қайтадан, самолёт келгенде қонып,
Пүткил әлем жәрдем қолларын созып,
Арал шегинсе де, инсан шегинбес.

Оңынан туўылып енди айлары,
Бағы бостан болар, саҳра, сайлары,
“Мойнақ Сити“ қурылады жайлары,
Арал шегинсе де, инсан шегинбес.

Туристлерге мийманхана салынып,
Хызметине вертолётлар алынып,
Инвесторлар келер еле ағылып,
Арал шегинсе де, инсан шегинбес.

Жүзлерде қуўаныш, күлки езиўде,
Жаңалық епкини елди гезиўде,
Бир бахыт жүректен оны сезиўде,
Арал шегинсе де, инсан шегинбес.

Үйрек ушып көллерге ғаз қонажақ,
Консерва заводын қайта салажақ,
Мойнаққа әжайып дәўран кележақ,
Арал шегинсе де, инсан шегинбес.

Дузлы самаллардың алды алынып,
Уйтқыған апатқа дузақ салынып,
Алған бағытынан қалмай жаңылып,
Арал шегинсе де, инсан шегинбес.

Ақшолпан Аманияз.
06.01.2019-жыл.


Сайтымыздың телеграмдағы каналына ағза болың: https://t.me/karinformuz

8-01-2019, 15:06
Көрилди: 180
Пикирлер: 0
Баспа ушын