Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Базарлардағы азық-аўқатлық өнимлердиң минимал-максимал баҳалары жәрияланды


Мәмлекетлик статистикалық комитети Өзбекстан Республикасының аймақлық дийқан базарларында айрықша түрдеги азық-аўқатлық өнимлердиң минимал-максимал баҳалары ҳаққында мағлыўмат берди, деп жазады Kun.uz.
Хабарда жазылыўынша, мал гөшиниң ең арзаны Нөкис қаласындағы дийқан базарда ҳәм Ташкент қаласының «Олой», «Фарҳод», «Қўйлиқ» дийқан базарларында бир килограммы 28 мыңнан, ең қымбаты Ташкент қаласындағы «Миробод» дийқан базарында 55 мыңнан сатылмақта.
Гүриштиң ең арзаны Нөкис қаласындағы дийқан базары, Ташкент қаласындағы «Эски жўва», Әндижан қаласындағы «Янгибозор», «Орайлық дийқан базары», Жиззақ қаласындағы «Эски шаҳар», «Орайлық дийқан базары», Гүлистан қаласындағы дийқан базарында 5000 сумнан, ең қымбаты Ташкенттеги «Олой» ҳәм «Миробод» дийқан базарында 25 000 сумнан сатылмақта.
Мәлим етилиўинше, айрым түрдеги азық-аўқатлық өнимлердиң минимал-максимал тутыныў баҳалары бойынша мағлыўматлар сайланба статистикалық бақлаў принциплерине тийкарланып алынған.

Ислам Матеков.

Сайтымыздың телеграмдағы каналына ағза болың: https://t.me/karinformuz

21-01-2019, 11:58
Көрилди: 260
Пикирлер: 0
Баспа ушын