Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ҚМУ оқытыўшысы Өзбекистан Республикасы мәмлекетлик сыйлығының жеңимпазы болды



Бердақ атындағы Қарақалпақ мәмлекетлик университетиниң «Функционал анализ, алгебра ҳәм геометрия» кафедрасы баслығы, физика-математика илимлериниң докторы, доцент Кәримберген Қәдирбергенович Кудайбергенов академик Ш.А.Аюпов, Б.А.Омиров ҳәм У.А.Розиқовлар менен биргеликте алып барған нәтийжели илимий изертлеў жумыслары ушын Өзбекистан Республикасының илим ҳәм техника тараўындағы биринши дәрежели Мәмлекетлик сыйлығын алыўға миясар болды.
Кәримберген Қудайбергеновтың бүгинги күнге шекем 60 тан аслам илимий мийнетлери ҳәм 2 оқыў қолланбасы, 3 методикалық қолланбасы баспадан шыққан. Усы мийнетлери ушын 2016-жылы «Өзбекистан Ғәрезсизлигине 25 жыл» естелик белгиси менен сыйлықланған.
Бул авторлар «Ассоциатив емес алгебралар, дифференциаллаў ҳәм сызықлы емес динамикалық системалар теорияларын раўажландырыў» темасында илимий изертлеў жумысларын алып бармақта. Олардың бул тема бойынша 200 ден аслам мақалалары Америка Қурама Штатлары, Австралия, Уллы Британия, Испания, Италия, Германия, Голландия, Франция, Қытай, Россия сыяқлы мәмлекетлердиң жоқары импакт-факторлы илимий журналларында баспадан шыққан. Авторлардың биргеликтеги мийнетиниң нәтийжелери дүнья жүзине белгили илимпазлар тәрепинен тән алынып, жоқары баҳаланып келинбекте.
Ш.А.Аюпов, М.И.Ибрагимов, К.Қ.Қудайбергеновлар авторлығындағы «Функционал анализдан мисол ва масалалар» атамасындағы оқыў қолланбасы «Жылдың ең жақсы оқыў қолланбасы ҳәм оқыў әдебиятының авторы – 2010» республикалық таңлаўда сыйлы 2-орынды ийелеген еди.
Университетимиздиң оқытыўшысы Кәримберген Қәдирбергенович Қудайбергеновты табысы менен қутлықлап, алдағы илимий жумысларында табыслар тилеп қаламыз.

Сахибжамал Есемуратова

25-08-2017, 17:28
Көрилди: 492
Пикирлер: 2
Баспа ушын

Пикир(2)
Гульнарахан 26 августа 2017 08:12
Агамызды табыслары менен кутлыклаймыз! Жасларды да озиниздей билимли, илимли, талапшан етип тарбиялауда Сизге алладан улкен куш кууат ден саулык тилеймиз. Шаршаманыз, алдагы уакытта буннан да улкен жетискенликлер Сизди кутип тургандай, биз исенемиз албетте барлыгына ерисесиз. Тек гана алга!
[reply]Ответить[/reply]          1
Qulmurat 31 августа 2017 19:30
Mine usinday tajriybeli agalarimiz kobeye bersin dekan, rektor boliwga ilayiqli ....
[reply]Ответить[/reply]          2
Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: