Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Факультетлер 15 ке жетти. Қарақалпақ мәмлекетлик университетиниң жаңа структурасы тастыйықланды. Және қандай өзгерислер болды? (толық)

Факультетлер 15 ке жетти. Қарақалпақ мәмлекетлик университетиниң жаңа структурасы тастыйықланды. Және қандай өзгерислер болды? (толық)
Усы жылдың 31-январь күни Бердақ атындағы Қарақалпақ мәмлекетлик университетиниң Кеңеси болып өтти.
Кеңес күн тәртибине муўапық, университеттиң жаңа шөлкемлескен структурасы, сондай-ақ, факультетлер ҳәм кафедралардың жаңа структурасы тастыйықланды.
Кеңесте университет ректоры А.Реймов Өзбекстан Республикасы Жоқары ҳәм орта арнаўлы билимлендириў министрлиги менен келисилген ҳалда усы жылдың 25-январь күни университеттиң жаңа структурасы тастыйықланғаны ҳаққында айтып өтти.
Оған муўапық, 2018-2019-оқыў жылының 2-семестринен баслап Бердақ атындағы Қарақалпақ мәмлекетлик университетиниң жаңа структурасы төмендегише көриниске ийе болады.

Алдынғы Физика-математика факультети тийкарында 2 факультет шөлкемлестирилди.

1. Физика факультети қурамында 3 кафедра:
 физика;
 ярымөткизгишлер физикасы;
 электр энергетикасы.

2. Математика факультети қурамында 4 кафедра:
 математикалық анализ;
 алгебра, функционал анализ ҳәм геометрия;
 әмелий математика;
 дифференциал теңлемелер.

Алдынғы Тәбияттаныў факультети тийкарында 2 факультет шөлкемлестирилди.

3. Биология факультети курамында 3 кафедра:
 улыўма биология ҳәм физиология;
 экология ҳәм топырақтаныў;
 дәрилик өсимликлер агроэкологиясы ҳәм интродукциясы;

4. География ҳәм тәбийғый ресурслар факультети курамында 2 кафедра:
 география ҳәм гидрометеорология;
 геодезия, картография ҳәм тәбийғый ресурслар.

Алдынғы Химия-технология факультети тийкарында 2 факультет шөлкемлестирилди.

5. Химия-технология факультети қурамында 3 кафедра:
 органикалық ҳәм органикалық емес химия;
 физикалық ҳәм коллоид химия;

6. Санаат технологиясы факультети қурамында 2 кафедра:
 санаат технологиясы;
 нефть ҳәм газ технологиясы.

Алдынғы Техника факультети тийкарында 2 факультет шөлкемлестирилди.

7. Қурылыс факультети қурамында 2 кафедра:
 имаратлар ҳәм қурылмалар қурылысы;
 инженерлик коммуникациялар қурылысы.

8. Архитектура факультети қурамында 2 кафедра:
 архитектура
 қала қурылысы ҳәм хожалығы;

Алдынғы Қарақалпақ филологиясы факультетиниң атамасы «Қарақалпақ филологиясы ҳәм журналистика факультети» деп өзгертилди.

9. Қарақалпақ филологиясы ҳәм журналистика факультети қурамында 3 кафедра:
 қарақалпақ тил билими;
 қарақалпақ әдебияты;
 журналистика.

10. Өзбек филологиясы факультети қурамында 4 кафедра:
 өзбек тил билими;
 өзбек тили ҳәм әдебияты;
 қазақ тили ҳәм әдебияты;
 туркмен тили ҳәм әдебияты.

11. Шет тиллери факультети қурамында 5 кафедра:
 инглис тили ҳәм әдебияты;
 немис тили ҳәм әдебияты;
 аўдарма теориясы ҳәм әмелияты;
 рус тили ҳәм әдебияты;
 факультетлер аралық шет тиллер.

Алдынғы Тарийх-ҳуқық факультети тийкарында 2 факультет шөлкемлестирилди.

12. Тарийх факультети қурамында 4 кафедра:
 археология;
 Өзбекстан ҳәм Қарақалпақстан тарийхы;
 социаллық пәнлер;
 педагогика ҳәм психология.

13. Юридика факультети қурамында 2 кафедра:
 ҳуқықтаныў;
 миллий идея, руўхыйлық тийкарлары ҳәм ҳуқық тәлими.

14. Дене мәденияты факультети қурамында 2 кафедра:
 дене мәденияты теориясы ҳәм методикасы;
 факультетлер аралық дене мәденияты.

Алдынғы Социал-экономика факультети «Экономика факультети» деп аталып, оның қурамындағы социаллық пәнлер кафедрасы жаңадан шөлкемлестирилген «Тарийх факультети»не өткерилди.

15. Экономика факультети қурамында 4 кафедра:
 экономика;
 бухгалтериялық есап ҳәм аудит;
 финанслар
 экономикалық теория (факультетлер аралық).

Ислам Матеков.

Сайтымыздың телеграмдағы каналына ағза болың: https://t.me/karinformuz

1-02-2019, 12:12
Көрилди: 1615
Пикирлер: 0
Баспа ушын