Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Студентлер қайырқомлық илажларында белсендилик көрсетти


Бердақ атындағы Қарақалпақ мәмлекетлик университети тарийх-ҳуқық факультети юриспруденция тәлим бағдарының 1-в курс студентлери топар басшысы Маржан Адилованың басшылығында пайтахтымыздағы «Нәўпир» мәкан пуқаралар жыйыны аймағында жасайтуғын кем тәмийинленген шаңарақлар, жалғыз баслы қарыялардың ҳалынан хабар алды.
- Елимизде социаллық жәрдемге мүтәж болған шаңарақлар, жалғыз баслы қарыялар, социаллық қорғаўға мүтәж болғанларды ҳәр тәреплеме қоллап-қуўатлаў мақсетинде бир қатар унамлы жумыслар әмелге асырылмақта. Быйылғы жылдың аты да усы тараўдағы жумысларды еле де раўажландырыў мақсетинде «Жедел инвестициялар ҳәм социаллық раўажланыў жылы» деп аталды. Студентлеримиз бенен бүгин усындай ийгиликли жумысларға өз үлесимизди қосыў мақсетинде қайырқомлық илажларын шөлкемлестирдик, - дейди юриспруденция тәлим бағдарының 1-в курс студентлери топар басшысы Маржан Адилова.


Илаж шеңберинде студентлер өзлери тәрепинен таярланған саўғаларды социаллық жәрдемге мүтәж шаңарақларға, майыплығы болған пуқараларға тапсырды. Сондай-ақ, бағыўшысынан айрылған қарыялардың үй алды жер учтаскаларын абаданластырыў, жабайы шөплерден тазалаў ҳәм шығындыларды арнаўлы орынларға шығарып таслаў сыяқлы үлгили жумысларды әмелге асырды.
Студентлер бундай илажларды алдағы ўақытлары да турақлы түрде әмелге асырыўды жобаластырмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

12-02-2019, 12:11
Көрилди: 88
Пикирлер: 0
Баспа ушын