Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Жаслар шахмат тахтасы» турнириниң Нөкис қалалық басқышы болып өтти


21-февраль күни Өзбекстан жаслар аўқамы Нөкис қалалық Кеңеси тәрепинен қаламызда жайласқан барлық улыўма билим бериў ҳәм орта арнаўлы оқыў орынларынан 7-9, 11-13, 15-19 жас аралығындағы оқыўшы-жаслар арасында «Жаслар шахмат тахтасы» турнириниң Нөкис қалалық басқышы өткерилди.

- Турнирди өткериўдеги мақсетимиз, жәмийетимизде социаллық-руўхый мәдениятымызды және де жетилистириў, өсип киятырған жас әўладты уллы бабаларымыздың мүнәсип избасарлары етип тәрбиялаў, миллий үрип-әдетлеримизди қәдирлеў жасларымызды жаман иллетлерден, зыянлы ағымлар тәсиринен қорғаў, жасларды спорт жарысларына кең көлемде тартыў ҳәм спорттың шахмат түрин раўажландырыў болып есапланады, - дейди Өзбекстан жаслар аўқамы Нөкис қалалық Кеңеси «Камалак» балалар шөлкеми баслығы Азамат Абибуллаев.

Қалалық басқышқа улыўма 550 оқыўшы-жаслар қатнасып, ҳәр бир жас категориясы бойынша 1-орынды ийелеген 11 оқыўшыға турнирдиң Қарақалпақстан Республикалық басқышына жоллама берилди.

Ислам Матеков.

Фотолар авторы: Мақсет Ҳабибуллаев.

22-02-2019, 10:08
Көрилди: 93
Пикирлер: 0
Баспа ушын