Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Оскар» сыйлығының 2019-жылдағы лауреатлары кимлер болды?


24-февраль күни Лос-Анджелес қаласында «Оскар» сыйлығы өз ийелерине тапсырылды. 91 жыллық тарийхқа ийе сыйлықта Америка киноакадемиясы тәрепинен ылайық деп табылған фильмлер жеңимпаз деп табылды.
10 номинация бойынша қатнасқан Куаронның «Рома» фильми ең жақсы режиссура, ең жақсы операторлық жумысы ушын сыйлықты қолға киргизди. Сондай-ақ, «Ең жақсы сырт ел фильми» номинациясында теңсиз болды.
Питер Фареллидиң «Жасыл китап» фильми ең жақсы фильм деп табылды. «Богемалық рапсодия» 4 «Оскар»ды қолға киргизди, олардың бири сыпатында Рами Малекке «Ең жақсы актёр» номинациясының тапсырылғанын атап өтиў керек.
«Рома» фильми сыяқлы 10 номинацияға усынылған «Фаворитка» тек ғана 1 «Оскар» ийеледи. Фильмде бас рольди атқарған Оливия Колман «Ең жақсы актриса» деп табылды.
Төменде быйылғы жылы «Оскар»ға ылайықлы деп табылған фильмлердиң толық дизими менен танысыўыңыз мүмкин:

Ең жақсы фильм «Жасыл китап» (Green Book), режиссёр Питер Фаррелли
Ең жақсы режиссёр Альфонсо Куарон («Рома»)
Ең жақсы актёр Рами Малек «Богемалық рапсодия»)
Ең жақсы актриса Оливия Колман («Фаворитка»)
Екинши пландағы ең жақсы актёр Махершала Али («Жасыл китап»)
Екинши пландағы ең жақсы актриса Реджина Кинг («Бийл-стрит сөйлей алғанда»)
Ең жақсы оригинал сценарий «Жасыл китап» (Green Book), сценарий — Ник Валлелонга, Брайан Карри ҳәм Питер Фаррелли
Ең жақсы адаптацияланған сценарий «BlacKkKlansman»
Ең жақсы анимациялық фильм «Өрмекши адам: кеңисликлер арқалы» (Spider-Man: Into the Spider-Verse)
Ең жақсы сырт ел фильми «Рома» (Roma), Мексика
Ең жақсы оператор «Рома» (Roma)
Ең жақсы костюм «Қара пантера» (Black Panther)
Ең жақсы грим «Вице» (Vice)
Ең жақсы музыка «Қара Пантера» (Black Panther)
Ең жақсы қосық Shallow («Жулдыз туўылыўы»)
Ең жақсы визуаллық эффектлер «Дәслепки адам» (First Man)
Ең жақсы ҳүжжетли фильм «Еркин соло» (Free Solo).

Ислам Матеков.

Сайтымыздың телеграмдағы каналына ағза болың: https://t.me/karinformuz

25-02-2019, 16:19
Көрилди: 157
Пикирлер: 0
Баспа ушын